“Bigbang” хамтлагийн экс гишүүн, дуучин, жүжигчин T.O.P буюу Чхве Сын Хён жүжигчин, дуучин Nana буюу Им Жин Атай үерхэж байгааг хоёр талын агентлаг албан ёсоор баталжээ.
Тэд T.O.P-ын “Studio54” дууны клипний зураг авалтын үеэр анх танилцсан байна. Улмаар харилцаа нь дотносож, 2026 оны зургаадугаар сараас романтик харилцаатай болсон гэж T.O.P-ийн агентлаг “Top Spot Pictures” мэдээлжээ. Nana-гийн агентлаг “Sublime” ч мөн тэдний харилцааг баталсан байна.
T.O.P 2006 онд “Bigbang” хамтлагийн гишүүнээр дебют хийж, дуучин төдийгүй жүжигчнээр ажилласан. Тэрбээр 2023 онд “Bigbang”-ээс гарснаа мэдэгдсэн бөгөөд сүүлийн жилүүдэд “Squid Game” цувралын хоёрдугаар бүлэгт тоглож, соло уран бүтээлээ үргэлжлүүлсэн байна.
Харин Nana 2009 онд “After School” охидын хамтлагийн гишүүнээр дебют хийж, улмаар жүжигчний карьераа эхлүүлсэн. Тэрбээр “The Good Wife”, “Mask Girl”, “Netflix”-ийн “The Scandal” зэрэг бүтээлд тогложээ.
