Испанийн дуучин Энрике Иглесиас ОХУ-ын нэрт теннисчин асан Анна Курниковагаас салжээ. The Huffington Post цахим сонинд энэ талаар мэдээлсэн байна. Хосууд өмнө нь харьцааныхаа талаар хэвлэлд нэг ч удаа ам алдаж байгаагүй юм. Энрике Иглесиас Лос Анжелест тоглолт хийж байх үедээ фэнүүддээ энэ талаар дуулгасан гэнэ.
Тэрбээр “Та нарт нэг юм хэлье. Би салчихсан. Гурав хоногийн өмнө салсан. Та бүхэн д хамгийн түрүүнд дуулгаж байна. Би үнэнээсээ ярьж байна, битгий шоолоорой” хэмээн өгүүлжээ.
Өмнө нь Э.Иглесиас Аннатай гэрлэхээр нэг бус удаа оролдсон ч орос бүсгүй тухай бүрт нь эсэргүзүцэж байсан гэдэг. Мөн тэднийг салчихсан эсвэл нууцаар гэрлэсэн гэсэн мэдээлэл тоогоо алдсан юм. Тэд 2001 оноос хойш 13 жил хамтран амьдарсан ч хүүхэдтэй болж байгаагүй юм.
Х.Сайхан