“Цэцгэн дагина”, “Насны ганцхан хань”, “Аялгуут сайхан морин хуур мину” гэх мэт олон дуу нь хэдийнэ олны танил болсон ч дуучныг нь хүмүүс тэр бүр мэддэггүй. Тэгвэл эдгээр дуунуудыг амилуулсан залуу дуучин Б.Отгонтогтох аравдугаар сарын 31-нд Монгол бөхийн өргөөнд “Цэцгэн дагина” анхны бие даасан тоглолтоо хийж, үзэгчтэй учран золгох гэж байна.
Тоглолтод түүний багш, Ардын жүжигчин А.Дашпэлжээ, дуучин Баттөр, Отгонгэрэл, Түмэнжаргал, Түмэн-Өлзий, цэнгээнт бүжгийн Улаан сарнай хамтлаг оролцох аж. Залуу дуучны хувьд анхны бие даасан тоглолтоо цаашдын амьдрал, уран бүтээлийнх замыг зурах чухал алхам хэмээн үзэж, үзэгч түмнээ хүндэтгэн урьж байгаа гэнэ.
