Солонгос Улсын Элчин сайдын яам оюутан залуусын дунд спортын өдөрлөг зохион байгуулах гэж байна. Энэ үеэр оюутнууд гар бөмбөг, сагс, олс, таталт зэрэг хэдэн төрлийн спортоор хоорондоо өрсөлдөх юм.
Солонгос хэл судлан суралцаж байгаа оюутнуудын дунд явуулах энэ спортын өдөрлөг нь залуусыг хүсэл сонирхлоор нь нэгдэх, чөлөөт цагийг нь идэвхтэй өнгөрүүлэх зорилготой бөгөөд энэ долоо хоногийн бямба гарагт буюу 11-р сарын 22-ны 11 цагаас Спортын төв ордонд нээлтээ хийх юм байна.
