Мөнгөө бол нэгэн компанийн менежер. Бүсгүйчүүдийг хажуугаараа зүгээр өнгөрөөдөггүй тэрээр нэг өдөр санаандгүй байдлаар Полдогын эхнэртэй учирна. Энэ бүхний эцэст хүнд байдал орсон Мөнгөө багийн найз Анараас тусламж хүснэ. Мундаг Баатар Мөнгөө, Анар хоёрт хэрэгтэй мэдээллийг өгч хариуд нь нууц кодыг авахаар болно.
Ийнхүү нэг зорилгод нэгдсэн гурван залуугийн адал явдал эхэлж Номио бүсгүй тэдний бай болно. Кодыг хэн тайлах бол…Залуу жүжигчин Л.Ариунболд, Э.Мөнхтулга, М.Наранмөнх нарын байгуулсан “Emerald men” продакшн, “Born3d film продакшны хамтарсан дэлгэцийн бүтээл КОД хэтрүүлэгт инээдмийн кино өчигдөр Тэнгис кино театрт нээлтээ хийлээ.
Тус киноны ерөнхий найруулагчаар залуу уран бүтээлч Л.Ариунболд, ерөнхий зураглаачаар “Born3d film” продакшны захирал н.Энхбаатар ажиллажээ. Харин киноны гол дүрүүдэд гол дүрд Э.Мөнхтулга, М.Наранмөнх, Б.Барслхагва нар тоглосон бол дүрүүдэд Гавьяат жүжигчин Б.Магсаржав, залуу жүжигчин Б.Ариунцэцэг, Б.Мишээл, X-түц продакшны жүжигчин А.Туяа “Fantastic” продакшны жүжигчин Ж.Алтаншагай, МУСТА Ө.Мөнх-Эрдэнэ нар тогложээ.
Киноны нээлтэд уран бүтээлчид, найз нөхөд, гэр бүлийнхэн нь ирж баяр хүргэлээ. Дашрамд дуулгахад, тус киног бүх насны үзэгчдэд зориулжээ.
www.URLAG.mn