Дуучин Э.Болор-Уянга хоёр жилийн өмнө дуучин Д.Эрдэнэцэцэг агсны дурсгалыг хүндэтгэн “Учралын эгшиг”, “Намуун байгаль”, “Чамайгаа оллоо”, “Зүрхэн чулуу” зэрэг бүтээлүүдийг багтаасан “Дуулъя дурсъя” нэртэй цомгоо хөгжим сонирхогчдод хүргэж байсан билээ.
Тэгвэл залуу уран бүтээлч бүсгүй тун удахгүй өөрийн бие даасан тоглолтоо хийх гэж байна. Тоглолт энэ сарын 30-ны өдөр “River sound” клубт "Учралын эгшиг" нэртэйгээр болох аж.
Дуучин бүсгүй тоглолтынхоо үеэр өөрийн олон сайхан уран бүтээлээс хүргэхээс гадна ард түмний чихнээ хэдийнэ хоногшсон хуучны дуунуудыг ч эгшиглүүлнэ гэдгээ мэдэгдлээ.
www.Urlag.mn
