Гуниг шивнэх гэрлийн дор болзоонд зогссон юм уу
Гудамж дагуу ургах сарнайд зүрхээ өгсөн юм уу
Зүв зүгээр явсан сэтгэл энэхэн зөрлөг дээр
Зөн зовин татсан мэт гэнэт догдлох чинь юу вэ
Хэдхэн хормын дараа эргэн би залуужиж
Хэсүүл салхиар илгээсэн хайрын үгэнд мансуурч
Буман оддын цугларсан шөнийн тэнгэрийн дор
Бууж нисэх эрвээхэй шиг бүжиг эргэн тойров оо
Амраг чиний царай зүрхэнд тодхон гийсэн юм уу
Аялан дуулах сэтгэл минь үүнийг даган баясаа юу
Ахин уулзахын ерөөлтэй энэхэн зөрлөг дээр
Амилсан хайрын болзоо чамдаа би баяртай
Хэдхэн хормын дараа эргэн би залуужиж
Хэсүүл салхиар илгээсэн хайрын үгэнд мансуурч
Буман оддын цугларсан шөнийн тэнгэрийн дор
Бууж нисэх эрвээхэй шиг бүжиг эргэн тойров оо
