Анхны бороо зөөлөн шивэрч сэтгэлийг минь сэргээвүү
Хайрын учрал үнсэлт зөгнөх үлгэр нэгийг эхлүүлэв үү
Хацар норгох шиврээ чи хан тэнгэрийн нулимс юм уу
Дусал бүхэн чинь надад аз жаргалыг авчирдаг
Мэлмэрэн урсах нулимс адил ихэрлэн дуслах бороо чи
Над дээр чам дээр асгарлаа хайраа
Асгаран асгарах
Аадар бороонд би ганцаар
Гунигаа үргээж алхах даанч их дуртай
Хорвоог сэргээсэн намираа бороо чи миний
Энэхэн зүрхний эгшиг авиа юм болов уу
Анхны цасан зөөлөн бударч амрагийг минь догдлуулав уу
Миний тэврэлт амласан бүхэн дурлал гэдгийг мэдрүүлэв үү
Хаялан хаялах цасан чи малгайланхан буухдаа
Хүсэн хүлээсэн өвлийг алган дээр минь авчирлаа
Нvд гялбам хаялах цасхан чи бид хоёрын дурлалыг гэрчлээд
Аз жаргал баяр баяслын хос мөр зурайна
Ариунаас ариухан
Анхны цаснаар би чамтай
Хайраа ярилцан болзох даанч их дуртай
Дэлхийг хучсан дэглий цагаан цас минь чи
Дурласан зүрхний эгшиг авиа юм болов уу
Тэнгэрийн хураар хоёул ариусаад
Тэврэн биесээ хоёул аргадаад
Хайрламаар байна би чамайгаа
Энхрийлмээр байна би чамайгаа
Сэтгэлдээ багтаан би хайралсаар
