УДБЭТ-ын гоцлол дуучин МУГЖ Э.Амартүвшин BBC агентлагаас хоёр жил тутамд зохиогддог “Cardiff Singer of the World” уралдаант шалгаруулалтад оролцож дэлхийн шилдэг 20 дуучны нэг болсон. Тэгвэл шилдэг 20 дуучин сүүлийн гурав хоногийн турш зохиолын дууны төрөлд хүч сорьж, дөрөв дэх хэсгийн тоглолтын дараа шилдэг таван дуучныг тодруулсан байна.
Энэхүү 32 жилийн түүхтэй нэр хүндтэй уралдаанд Монгол улсаа төлөөлөн анх удаа оролцож буй, гавьяат жүжигчин Э.Амартүвшин шилдэг тавын нэгээр тодорч, үзэгчдийн нэрэмжит шагналыг хүртсэн байна. Харин эрхэм дуучин маань өнөөдөр өглөө эх орондоо ирж элэг нэгтнүүд, элгэн саднаа баярлууллаа.
www.Urlag.mn
