Өнчин дэрэн дээр нойр хулжаад
Өнийн ирээдүйг сэтгэн байхад минь
Өөрийн эрхгүй чи минь бодогдож
Өр зүрх минь чам руу тэмүүлнэ
ДХ: Цэрэг би чинь ингэж бодохоор
Цээжин дотор минь гал дүрэлзээд
Цэвэр сэтгэлийн уяас алдуурч
Цэргийн хуарангаас чам руу тэмүүлнэ
Чамайг би санан дурсаж
Чандмань мэтээр хайрлана гээд
Хэнээс ч дутахгүй сайхан амьдрах
Хэтийн зорилго надад бий шүү
Бүсгүй би чинь ингэж бодохоор
Бүлээн зүрх минь уяран хайлж
Булбарай үрээ тэврэн мишээсээр
Бүүвэйн дуугаа аялж сууна би
Хаврын улирал дөхсөн ч юм уу
Хайртай үрээ санасан ч юм уу
Халагдах хоног минь ойртсон ч юм уу
Харих хоногоо тоолон сууна би
ДХ:
Хаврын улирал гурвантаа ирэхэд
Хайртай үр чинь том болжээ
Ханийн жаргалыг эрхгүй мөрөөдсөөр
Хайрын дуугаа чамдаа дуулъя
Бүсгүй би чинь ингэж бодохоор
Бүлээн зүрх минь уяран хайлж
Булбарай үрээ тэврэн мишээсээр
Бүүвэйн дуугаа аялж сууна би
ДХ:
