Олимпод оролцох баг тамирчиддаа дэмжлэг үзүүлэх, хандив цуглуулах зорилготойгоор Монгол улсын ерөнхий сайдын нэрэмжит, "Олимпийн хөгжлийг дэмжих сан"-ийн цомын аян орон даяар үргэлжилж байгаа билээ. Тус аянд Монгол поп опера “Увертюра” хамтлаг уран бүтээлээрээ нэгджээ.
Тодруулбал "Монголын үндэсний олимпийн хороо", "Олимпийн хөгжлийг дэмжих сан"-ийн дэмжлэгтэйгээр “Увертюра” хамтлаг, "Анир" студи хамтран Монголын тамирчдын сүлд дуу болгож “Бид эх оронтойгоо хамт” хэмээх тамирчдын сүлд дууг туурвижээ.
Монголын мянга мянган тамирчид, тэр дундаа олимпийн наадамд оролцож амжилт гаргаж байсан тамирчидаа алдаршуулах, ирээдүйд оролцох тамирчдаа дэмжих зорилготойгоор тус уран бүтээлийг туурвисан нь ийнхүү тамирчдыг дэмжих төсөл болон өргөжиж байгаа аж.
Аяны хүрээнд “Увертюра” хамтлагийн шинэ уран бүтээл “Бид эх оронтойгоо хамт” хэмээх тамирчдын сүлд дууг үүрэн телефоны "Скайтел", "Мобиком", "Юнител", "Жи мобайл" компаниудтай хамтран олон нийтэд хүргэж арилжих бөгөөд түүний ашгийг "Олимпийн хөгжлийг дэмжих сан"-аар дамжуулан олимпод оролцох тамирчдад зориулах үйл ажиллагааг зохион байгуулахаар болжээ.
