Хаврын шувууд ганганахад
Сэтгэлийн гэзэг минь задраад
Хайрлам чамайгаа санасаар
Сэм сэмхэн тэмүүлэх боллоо
Бие биенээ тэмүүлсээр
Уулзах өдөр хэзээ вэ
Бие биедээ эрхлэн
Жаргах цаг нь хэзээ вэ
Амраг шувууд ганганахад
Сэтгэлийн салхи минь дэгдээд
Чинийхээ үнэрийг санаад
Сэм сэмхэн яарах боллоо
Бие биедээ яарсаар
Учрах өдөр хэзээ вэ
Бие биедээ эрхлэн
Жаргах цаг минь хэзээ вэ
Хаврын шувууд ганганахад
Хүслийн жолоо минь алдраад
Наран хайрынхаа илчиндээ
Ханилан суугаад жаргая даа
Бие биедээ яарсаар
Учрах өдөр хэзээ вэ
Бие биедээ эрхлэн
Жаргах цаг нь хэзээ вэ
Бие биедээ яарсан
Учрах өдөр энэ л дээ
Бие биедээ эрхэлсэн
Жаргах цаг минь ирлээ дээ
