 |
“Үнсгэлжин” кинонд тоглосноор олны танил болсон залуу жүжигчин Лила Жеймс “Burberry” брэндийн нүүр царайгаар тодорч, ирэх оныг хүртэл хамтран ажиллах гэрээ байгуулжээ. Тус брэнд өчигдөр өөрсдийн албан ёсны твиттер болон инстаграм хуудастаа жүжигчний тоглосон сурталчилгааг байршуулж, олны хүртээл болгосон байна.Харин жүжигчин бүсгүй твиттертээ “Үнэхээр гайхалтай. Би 17 настай байхдаа “Burberry” брэндийн гар цүнх худалдан авч билээ. Одоо хүртэл тэр цүнх минь бий. Миний хамгийн дуртай цүнх. Харин одоо дуртай цүнхнийхээ брэндтэй хамтран ажиллаж, сурталчилж байна. Энэ гайхалтай биш гэж үү” гэж жиргэсэн байна.
Эх сурвалж http://www.info.mn
