Даруухан дөлгөөн харцанд чинь
Дасан дасан жаргав аа
Дахиад олдохгүй чи минь
Дандаа л ийм байгаарай
Ухаалаг аядуу ярианд чинь
Уяран уяран жаргав аа
Уйдах аргагүй чи минь
Үргэлж ийм л байгаарай
Эелдэг дөлгөөн аашинд чинь
Эрхлэн эрхлэн жаргав аа
Эргээд олдохгүй чи минь
Эгнэгт ийм л байгаарай
Намбалаг сайхан биенд чинь
Налан налан жаргав аа
Наддаа хайртай чи минь
Насаараа ийм л байгаарай
