“Оддын дайн” шинэ гурвалсан кино туульсын сүүлийн ангийг 2019 оны 5 дугаар сарын 24-нд дэлгэцэнд гаргахаар товложээ.
Уг киноны “Оддын дайн. Хүч тамир сэргэсэн нь” хэмээх долдугаар ангийг 2015 оны 12 дугаар сард анх дэлгэцэнд гаргаж байсан юм. Харин наймдугаар анги болох “Оддын дайн. Сүүлчийн жедай”-г энэ оны 12 дугаар сарын 15-нд гаргахаар болжээ.
Киноны есдүгээр анги 2019 оны 5 дугаар сард дэлгэцэнд гарахаар болсон нь "Disney" корпорацийн бодлого өөрчлөгдсөнийг харууллаа гэж зарим хэвлэлүүд дүгнэж байгаа аж.
Тус киноны есдүгээр ангийн талаар одоогийн байдлаар мэдэгдэж байгаа зүйл бараг алга. Ирэх онд зураг авалт нь эхлэх тус киноны найруулагчаар Колин Треворроу ажиллах юм. Киноны нэрийг нууцалж байгаа боловч уг кинонд Лея Органа гүнжийн дүр байна гэдэг нь тодорхой болжээ. Түүний дүрд өнгөрсөн оны 12 дугаар сард нас барсан жүжигчин Керри Фишер тоглож байсан билээ. Үүнээс өмнө талийгаачийн төрөл төрөгсөд есдүгээр ангиа бүтээхдээ Фишерийн авахуулсан кадруудыг ашиглахыг "Disney" студид зөвшөөрчээ.
