Олон жил нам гүмхэн байсан дуучин Л.Байзада энэ жилээс уран бүтээлдээ эргэн орсон. Түүнийг Монголын алтан үеийн жүжигчдийн нэг, хошин урлагийн нэрт төлөөлагч Т.Латиф агсны хүү гэдгийг хүмүүс андахгүй сайн мэднэ. Тэрбээр аавынхаа уран бүтээлийг мөнхжүүлэх зорилгоор “Латиф” сан байгуулжээ.
Тус сангийн нээлтэд зориулж, цирк болон рок поп урлагийнхан энэ сарын 22-нд Монголын хүүхдийн ордонд хамтарсан тоглолт хийх аж. Мөн хошин урлагийн залуу уран бүтээлчдийг дэмжин ажиллаж, хүмүүнлэгийн үйл ажиллагаанд оролцох юм байна. Тус сангийн гол санхүүжүүлэгч нь Дэлхийн казахуудын нийгэмлэг ба тус сангийн гол ажлыг Л.Байзада хариуцан ажиллах аж.
С.Сүндэр
