“Manhunt International-2010” олон улсын тэмцээнд эх орноо төлөөлөн оролцож, орон орны сайхан залуустай мөр зэрэгцэн алхсан Г.Дөлгөөн-Аюуш авьяас чадвараараа шалгарч байсан билээ. Монгол залуусын нүүр царайгаар тодорч, мэдлэг боловсролоо сориод ирсэн тэрбээр СУИС-ийн кино-драмын ангийг энэ жил төгсчээ. Шилдэг загвар өмсөгч, топ моделиудтай хамт реклам сурталчилгаанд тоглох болсноор олны анхаарлыг ихэд татаж буй жүжигчин залуу УДЭТ-т орсон байна. МҮОНТ-ийн “Амьдрал чиний төлөө” олон ангит киноны гол дүрд тоглосон Г.Дөлгөөн-Аюуш жүжиглэхийн хажуугаар рок попын ертөнцөд ч хүч сорихоор зэхэж яваа. Урлагийн сургуулиас нэгдсэн авьяаслаг залуус “Movie” нэртэй хамтлаг байгуулсан бөгөөд урын сандаа ч чамлахааргүй хэдэн дуутай болсон гэнэ. Жүжигчин залуус хэд хэдэн дуундаа клип хийлгэхээр төлөвлөж буй бөгөөд тун удахгүй үзэгч, сонсогчдын өмнө томоохон тэсрэлт хийх нь. Тус хамтлагийг охид залуус СУИС-иас төрсөн болохоор нь ч тэр үү, хоёр дахь “Акапелла” хэмээн нэрийдэж буй аж.
Р.Есүй
