“Миний нууц хүү” жүжгээр уран бүтээлийнхээ салхийг хагалсан “Мөрөөдлийн театр”-ынхан өдгөө амралтын байдалтай байгаа гэнэ. Өнгөрсөн хавар “Ээжийн дайсан” нэртэй инээдмийн киногоор бэлэг барьж, дуучин Ч.Цэлмүүнийг гол дүрд нь тоглуулсан тэд чамлахааргүй ашиг олсон.
Харин ирэх есдүгээр сараас эхлэн хоёр дахь жүжгийнхээ ажилд орохоор төлөвлөж буй жүжигчид энэ удаа инээдмийн жүжгээр бэлэг барих аж. Харин шинэ кино хийх бодлоо орхиж, хэсэг хугацаанд дэлгэцийн бүтээлд анхаарахгүй байхаар шийджээ.
Чухам ямар учраас ийн хэлсэн амандаа хүрэлгүй, фэнүүдээ горьдоож орхисны учрыг одоохондоо нууцалж байгаа юм байна.
Р.Есүй
