ДНБ оны үнээр өмнөх оны мөн үеийнхээс 2012 оны эхний хагас жилд 25.2 хувиар өсч, 6185.7 тэрбум төгрөгт хүрлээ. ДНБ 2005 оны зэрэгцүүлэх үнээр 2429.2 тэрбум төгрөгт хүрч, өмнөх оны мөн үеийнхээс 13.2 хувиар өссөн байна. Хэрэглээний үнийн улсын индекс 2012 оны эхний долоон сард өмнөх сарынхаас 0.6 хувь, оны эхнээс 10.4 хувь, өмнөх оны мөн үеийнхээс 14.5 хувиар тус тус өсчээ.Харин ерөнхий индекс өмнөх сарынхаас өсөхөд хүнс, ундаа, усны бүлгийн барааны үнийн дүнгээрээ 1.3 хувь, гэр ахуйн тавилга, барааных 0.8 хувиар өссөн нь голлон нөлөөлжээ. Мөнгөний нийлүүлэлт 2012 оны эхний долоон сарын эцэст 6953.5 тэрбум төгрөг болж, өмнөх сарынхаас 97.7 тэрбум төгрөг буюу 1.4 хувиар буурч, өмнөх оны мөн үеийнхээс 1033.1 тэрбум төгрөг буюу 17.4 хувиар өсчээ.
Гүйлгээнд байгаа бэлэн мөнгө 2012 оны долдугаар сарын эцэст 801.4 тэрбум төгрөг болж, өмнөх сарынхаас 90.1 тэрбум төгрөг буюу 10.1 хувиар буурч, өмнөх оны мөн үеийнхээс 127.5 тэрбум төгрөг буюу 18.9 хувиар тус тус өссөн байна. Аж ахуйн нэгж, байгууллага, иргэдэд олгосон нийт зээлийн өрийн үлдэгдэл 2012 оны долдугаар сарын эцэст 6428.5 тэрбум төгрөг болж, өмнөх сарынхаас 110.3 тэрбум төгрөг буюу 1.7 хувь, өмнөх оны мөн үеийнхээс 37.3 хувиар өсчээ.
Хугацаа хэтэрсэн зээлийн өрийн үлдэгдэл 2012 оны долдугаар сарын эцэст 85.1 тэрбум төгрөг болж, өмнөх сарынхаас 33.3 тэрбум төгрөг буюу 64.3 хувь, өмнөх оны мөн үеийнхээс 13.8 тэрбум төгрөг буюу 19.4 хувиар өсчээ. Банкны системийн хэмжээгээр чанаргүй зээл 305.7 тэрбум төгрөг болж, өмнөх сарынхаас 2.1 тэрбум төгрөг буюу 0.7 хувь, өмнөх оны мөн үеийнхээс 76.2 тэрбум төгрөг буюу 20.0 хувиар буурсан байна
