Олны танил, царайлаг залуутай болзох нэг талаар сайхан ч нөгөө талаар нэлээдгүй их аюул дагуулдаг бололтой юм.
Урд нь Selena Gomez, Kim Kardashian нарыг найз залуугийнх нь галзуу шүтэн бишрэгч охидууд сүрдүүлж байсан бол одоо “Juno” киноны од Ellen Page дараагийн сэтгэл санааны дайралтын хохирогч болоод байна.
Залуу жүжигчин Ellen Page 35 настай, “True Blood” киноны од Alexander Skarsgard-тай болздог болоод удаж байгаа билээ. Харин Alexander-ын нэгэн шүтэн бишрэгч жүжигчныг “Твиттер” хуудсаар сүрдүүлээд байгаа юм байна. Тухайн сүрдүүлгүүд дээр “Би Ellen Page-ийг хороох болно. Түүнийг үхсэнд тооц” мөн “Ellen Page чи дахиад Александр-тай болзох юм бол би чамайг олон нийтийн газар хороох болно. Шөнийн цэнгээний газар, ресторан, бүр шүтэн бишрэгчиддээ гарын үсгээ өгч байхад чинь дайрч чадна шүү” гэсэн байна. Харин Ellen энэхүү сүрдүүлгийн тухай Лос Анжелос хотын цагдаад мэдэгдсэн бөгөөд одоогийн байдлаар хоёр хэрэглэгчийн хаягыг олоод байгаа юм байна.
