 |
"Помогите нам" киноны гуравдугаар анги "Бидэнд туслаач" нэртэйгээр үзэгчдэд хүрэхэд бэлэн болжээ. Энэхүү гурав дахь цуврал нь ЗD-гээр гарахаар болсон байна. Киноны нээлт энэ сарын 25-нд болно. Өмнөх "Помогите нам", "Помогите нам-2" буюу "Хуваарьгүй нислэг"гэх ангийн найруулагчаар ажилласан "Zaya\'sh" студийн найруулагч Ш.Даваадорж энэ удаад тус цувралаа ЗD-гээр гаргахаар болжээ. Түүнээс шинэ киноны талаар тодруулахад үзэгчдийн талархлыг нэлээдгүй хүлээсэн өмнөх хоёр ангид Сибир болон Монголын говьд гол үйл явдал нь өрнөдөг. Тэгвэл энэ удаагийн "Бидэнд туслаач" ангийн үйл явдал нь Хөвсгөл далайд үргэлжилнэ. Мөн үйл явдал нь өмнөх ангиудтай холбогдохгүй байгаа.
Кинонд тоглосон жүжигчдийн тухайд?
Кинонд тоглох уран бүтээлчдийн хувьд бага зэрэг өөрчлөлт орсон. Гавьяат жүжигчин Б.Батзаяа, "Эрхэм элч" уран бүтээлийн нэгдлийн захирал С.Лхагвасүрэн, жүжигчин Б.Нямхүү, М.Саранцэцэг, Р.Адъяа, хошин урлагийн жүжигчин Чапи болон DZ-Man буюу Б.Дашзэвэг зэрэг олны сайн мэдэх хүмүүс оролцон тоглосон учир маш сонирхолтой болсон гэж болно.
