Монгол улсын гурав дахь Ерөнхийлөгч асан Н.Энхбаярын авлигын хэргээс үүдэлтэйгээр “ТВ-9” телевиз төрийн өмчийнх болох нь тодорхой болоод байгаа юм. Ийм цаг үед тус телевизийнхэн удирдлагаасаа эхлээд ар араа бодож эхэлсэн бололтой.
Ноён зууч 1950-ын телевиз болох “Е-ТВ” телевизийн захирал Ч.Даваабаяр, “ТВ-9”-ийн захирал Ц.Энхбат нар үй зайгүй найзалж, нөхөрлөдөг. Хөгшин, залуу хоёр эрхмийн нөхөрлөлийг телевизийн салбарынхан андахгүй сайн мэднэ. Тэгвэл “ТВ-9” телевизийг найман жилийн турш авч явсан Ц.Энхбат захирал “Е-ТВ”-г толгойлохоор болж байгаа аж.
Харин тус телевизийн залуухан захирал Ч.Даваабаяр нийгмийн тун ч идэвхтэй нэгэн бөгөөд энэ жилийн сонгуулиар ардчиллын талд багагүй үйлчилснийхээ төлөө Төрийн ордонд ажиллах том албан тушаалтай болж байгаа аж. Түүний авч байгаа албан тушаал одоогоор ил тод болоогүй байгаа ч дараагийнхаа захирлыг “ТВ-9”-ийн экс удирдлагаар сонгосныг нь бодвол бүх зүйл тодорхой болсон нь мэдээж биз ээ.
