Холливудын хамгийн сайхан бүсгүйчүүдийн нэг гэгддэг жүжигчин Женнифер Энистон, Жастин Терокс нар Сансет Тоувер зочид буудалд сүйн баяраа тэмдэглэжээ. Тэдний баярт Женниферийн сайн найз болох жүжигчин Кортни Кокс зочилсон байна.
Холливудын нэрт жүжигчин Женнифер Энистон, Жастин Терокс нар 15 сарын өмнөөс болзож эхэлсэн. Холливудын хамгийн сайхан хосуудын тоонд зүй ёсоор багтдаг тэд тун удахгүй хуримаа хийхээр сүй тавиад байгаа билээ. Тэгвэл хосууд өнгөрөгч Даваа гаригт сүйн баяраа Сансет Тоувер зочид буудлын уушийн газарт тэмдэглэсэн байна. Тэдний баяр дээр нэгэн хүндтэй зочин ирсэн нь Энистоны дотны найз буюу “Найзууд” цуврал киноны хамтран тоглогч нь болох Кортни Кокс хүрэлцэн иржээ. Женниферийн хувьд одоогоор Умард Каролин мужийн Вилмингтонд “Бид Миллерийнхэн” кинонд жүжигчин Жейсон Судейкис, Эмма Робертс нарын хамт тоглож байгаа юм. Тэр үдэш гоёмсог даашинз өмссөн Женнифер үнэхээр гайхалтай харагдаж байсан тухай эх сурвалжууд онцолж байна.
Нэрт жүжигчин бүсгүйн сүй тавьсанд баяр хүргэж, уушийн газрын ажилтан Дом Перигноны оргилуун дарсыг бэлэглэжээ. Түүнчлэн эх сурвалжууд, сүйн баяр нь цомхон болсон хэдий ч тэд бүгдээрээ сэтгэл хангалуун байгаа нь харагдаж байсан хэмээн ярьсан юм. Тэр үдэш хосуудын баярт холливудын алдартнууд болох Том Форд, Том Хэнкс, Рита Вилсон, Эми Фоэлер болон Сед Маяарс нар иржээ. Өнгөрөгч сарын арванд Жастин Терокс 41 насныхаа төрсөн өдрийн баярыг тэмдэглэж байхдаа Энистонд гэрлэх санал тавьсан юм. Терокстой хийх хурим нь Энистоны хувьд хоёр дахь гэрлэлт юм. Тэрээр өмнө нь жүжигчин Брэд Питтэй гэрлэж, таван жил амьдарсны эцэст 2005 онд салсан билээ.
