АНУ-ын Флорида мужийн эрдэмтэн Уильям Кеннет Стьюартад 20 жилийн ял оноолоо. Учир нь эрдэмтэн компьютер дээрээ хүүхдийн 20 мянган гаруй порно зураг хадгалж байсан нь тогтоогджээ.
Түүнд холбогдох шүүх хурал өчигдөр болж ийм шийдвэр гаргажээ. Хууль сахиулагчдын ярьснаар хүүхдийн порно кино, бичлэг, зураг АНУ-д хатуу хориотой бөгөөд эрх баригчид үүнтэй тэмцэхийн тулд интернэт орчныг “самнах” ажиллагаа явуулж байгаа аж.
Уильям Кеннет Стьюарт нь 62 настай бөгөөд Массачусеттс мужийн алдарт Технологийн их сургуулийг далайн зураглалын инженерээр докторын зэрэг хамгаалсан хүн юм. Тэрээр доктор Роберт Баллардтай хамтран “Титаник” хөлгийг 1986 онд олж байсан нэртэй эрдэмтэн аж.
Д.Идэр