Попын хаан Майкл Жексоныг нас барснаас хойш түүний хоёр хүүхдийг төрүүлсэн сувилагч эмэгтэй Дебби Роу хүүхдүүдтэйгээ уулзах боломжтой болжээ. 1996 онд нэрт дуучинтай гэр бүл болж, Принц Майкл, Пэрис Кэтрин нарыг төрүүлсэн ч гэсэн удалгүй тэд салсан юм. Шүүх хүүхдүүдийг асран халамжлах үүргийг Майкл Жексонд өгч, харин Дебби Роуг 45 хоногт ердөө найман цаг л хүүхдүүдтэйгээ хамт байх боломж олгосон юм. Майкл Жексоныг амьд сэрүүн байх үед Дебби Роу хүүхдүүдтэйгээ бараг уулзаж чадахгүй байжээ. Харин Попын хааныг нас барсны дараагаар Дебби Роу Жексоны эхтэй харилцаа тогтоож, хүүхдүүдтэйгээ ойр ойрхон уулзаж байх зөвшөөрөл хүссэн аж. Хэдхэн хоногийн өмнө Жексоны охин Пэрис Кэтрин төрсөн эх Дебби Роутайгаа уулзаж, нэгэн ресторанд 15 насны төрсөн өдрөө тэмдэглэсэн ажээ. Тухайн үед авахуулсан гэрэл зураг хэвлэлээр тараад байна.
www.URLAG.mn
