Урлаг.мнУрлаг.мн
  • Дуу хөгжим
  • Утга зохиол
  • Язгуур урлаг
  • Сонгодог урлаг
  • Театр
  • Кино
Facebook Twitter Instagram
Урлаг.мнУрлаг.мн
  • Дуу хөгжим
  • Утга зохиол
  • Язгуур урлаг
  • Сонгодог урлаг
  • Театр
  • Кино
Facebook Twitter Instagram
Урлаг.мнУрлаг.мн
Урлаг.мн»Нийгэм»Найруулагч Б.Баатарт хүндэтгэл үзүүлнэ
Нийгэм

Найруулагч Б.Баатарт хүндэтгэл үзүүлнэ

Урлаг Урлаг10/05/2013Сэтгэгдэл байхгүй2 минут уншина
Facebook Twitter LinkedIn Имэйл Telegram WhatsApp
24ef607d73f2660foriginal3182385412013-05-10-09-36[www.urlag.mn].jpg
Share
Facebook Twitter LinkedIn Pinterest Имэйл

  УДЭТ-ын найруулагч, Урлагийн гавьяат зүтгэлтэн Б.Баатарын хөлний бэртэл хүндэрч, яаралтай гадаадад эмчлэх шаардлагатай болсон тул театрынх нь хамт олны зүгээс эмчилгээний зардалд нь нэмэр болохоор хандивын тоглолт зохион байгуулахаар болжээ. “Авьяастнаа дээдүүлсэн авьяастнууд” хандивын тоглолт тавдугаар сарын 15-нд 19:00 цагт “УБ Палас”-ын концертын их танхимд ганцхан удаа болох юм.

Найруулагч Б.Баатар нь 1959 онд төрсөн, 1984 онд Украины Киев хотын Театр урлагийн дээд сургуулийг драмын найруулагч мэргэжлээр төгсчээ. Тэрээр 1977-1979 онд Теле кино үйлдвэрт туслах найруулагч, 1985-1996 онд Монголын радиод найруулагч, уран сайхны удирдагч, программын зөвлөлийн даргаар, 1999 оноос өнөөг хүртэл УДЭТ-т ерөнхий найруулагч, найруулагчаар ажиллаж байгаа драмын урлагийн “акулууд”-ын нэг юм.

Тэрээр 1985 онд найруулагч Б.Мөнхдоржтай хамтран “Гургалдайн дуут шөнө” жүжгээ тайзнаа амилуулсан бөгөөд тэр жилдээ найруулагч Г.Доржсамбуутай хамтран “Гарваа” жүжгийн тавьсан бөгөөд мөн бие даан “Хүн бүгд би” жүжгээ толилуулж байсан юм. “Харанхуйд харагдахгүй”, “Далан худалч”, “Кармен хүүхэн”, “Ганцхан алхахад уулзана”, “Садар эрийг номхтгосон нь”, “Цахлай”, “Хүйтэн сэнтий”, “Гавал сар”, “Амьгүй албат”, “ Ээжээ”, “Атга нөж”, “Мануухай”, “Эхнэрээ зээлээч”, “Ану хатан” зэрэг 20 гаруй уран бүтээлийг тайзнаа амилуулж, театрын урын санг баяжуулсан нэгэн.

Авьяаслаг найруулагч Б.Баатар нь тайз дэлгэцийн болон телевиз радиогийн олон бүтээлийг найруулж, үзэгч, сонсогчийн хүртээл болгож чадсан төдийгүй Монголын ард түмнийг дэлхийн сонгодог бүтээлтэй танилцуулах их хувь нэмэр оруулсан уран бүтээлч юм. Түүний уран бүтээлүүд нь дэлхийн сонгодог бүтээлүүдийг Монголын ард түмэнд сурталчлах, Монголын түүх уламжлалыг хойч үедээ хүргэх, театрын уран бүтээлээр өнөөгийн нийгмийн амьдралын олон асуудлыг уран сайхны аргаар илэрхийлэх, хүүхэд залуучуудад эх оронч үзэл төлөвшүүлэх, гоо сайхны мэдрэмж бий болгох, шинэ залуу уран бүтээлчдийг төлөвшүүлэн хөгжүүлэхэд ихээхэн үүрэг гүйцэтгэсэн хэмээн урлаг судлаачид өндрөөр үнэлдэг билээ.

www.URLAG.mn

Хуваалцах. Facebook Twitter Pinterest LinkedIn Tumblr Имэйл
Урлаг
  • Вэбсайт

Төстэй нийтлэл

Нийгэм Урлаг

ФОТО:  Их Эзэн Чингис хааны хөшөөнд хүндэтгэл үзүүлэв

10/11/2026
Нийгэм Урлаг

Үнэн хүндэтгэл бол үргэлжлэх өв юм

10/11/2026
Нийгэм Урлаг

“Чингис хаан” тэргүүн зэргийн одонг Шинжлэх ухааны академид хүртээнэ

09/11/2026

Сэтгэгдэл хаалттай

Сүүлд нэмэгдсэн

ФОТО: “Governors Awards”-ын улаан хивсний ёслолоос

17/11/2026

Уран бүтээлч Ө.Ирмүүний “Босоо · Хөндлөн” бие даасан үзэсгэлэн үргэлжилж байна

17/11/2026

ФОТО: Их зохиолч Д.Нацагдоржийн хөшөөнд цэцэг өргөлөө

17/11/2026

Э.Алдарын “Тэг цэг үйлдэл” кино олон улсын наадмын шилдгээр шалгарлаа

17/11/2026

Дуучин А.Наранбаатар олон улсын гоцлол дуучдын уралдаанд тэргүүн байр эзэлжээ

17/11/2026
Дараахи
Facebook Twitter Instagram Pinterest
  • Бидний тухай
  • Холбоо барих
© 2009-2026 зохиогчын эрх хуулиар хамгаалагдсан.

Хайх утгаа бичээд Enter дарна уу. Болих бол Esc дарна уу.