Ардчилалд хайртай залуусын баяр “ДемоКрэйзи карнавал” ирэх сарын 7-ны өдөр Б.Явуухулангийн нэрэмжит цэцэрлэгт хүрээлэнд болох гэж байна.
Тус карнавалыг залууст чиглэсэн үйл ажиллагаа явуулдаг “Бүх нийт боловсролын төлөө” иргэний нийгмийн үндэсний эвсэл, “ДемоКрэйзи” залуусын төв, “Залуус эрүүл мэнд”, “ЛГБТ” төв зэрэг ТББ-ууд хамтран зохоин байгуулж байгаа юм.
Энэ баярт хүний эрх, эрх чөлөө, жендерийн тэгш эрх, бодит ардчилал, нийгмийн шударга ёсыг эрхэмлэдэг хэн бүхэн оролцох боломжтой бөгөөд дахин давтагдашгүй өнгө аястай хувцаслалт, нүүр будалттай байх гэнэ.
Сонирхуулахад “ДемоКрэйзи” залуусын төв нь залуусын оролцоонд түшиглэн сонирхолтой, хөгжилтэй хэлбэрээр хүний эрх, эрх чөлөө, жендерийн тэгш эрх болон ардчиллын үнэт зүйлсийг эрхэмлэх соёлыг залуусын дунд түгээн төлөвшүүлж, бүтээлч оролцоог нэмэгдүүлэхийг зорьж ажилладаг юм байна.
Өдөрлөгт оролцохын тулд та заавал үнэтэй, ганган чамин хувцсаар гоёх шаардлагагүй. Өөртөө байгаа материалаа ашиглаад, өөрийгөө хүссэнээр хувиргаж болно. Түүнчлэн нүүр хувиргагчид өдөрлөгт хүрэлцэн ирсэн хүмүүсийн нүүрэн дээр хувиргалт хийж өгөх гэнэ лээ.
Дэлгэрэнгүй мэдээллийг 7011-0355, 88055659 утсаар авч болохоос гадна www.facebook.com/democrazymn, [email protected] хаягаас авах боломжтой.
www.URLAG.mn
