“Sweetymotion” хамтлаг Япон Улсад тоглолтоо хийх гэнэ. Тэд “Sweetymotion & Chinbaa” нэртэй бие даасан тоглолтоо Японд ажиллаж, амьдарч байгаа монголчуудаа хийхээр бэлтгэлээ базааж байгаа аж. Токио хотод жил бүрийн хаврын дэлгэр цагт Монгол ёс заншил, уламжлал, соёл урлагаа Японы ард түмэнд танилцуулах зорилготой “Хаврын баяр” наадам болдог.
Ангилал: Дуу хөгжим
Нийслэлийн Улаанбаатар чуулгын эрхэм зорилгын хүрээнд хийгдэж буй ажлуудын нэг Нийслэлийн Засаг Даргын Тамгын Газар, Нийслэлийн Соёл Урлагийн Газар, Нийслэлийн зургаан дүүргийн соёл хүмүүжил хариуцсан мэргэжилтнүүдтэй хамтран зохион байгуулж буй, Нийслэлийн ард иргэдийн зонхилох хувийг эзэлж байгаа эмзэг давхрагын иргэдэд зориулсан ардын урлагийн үнэгүй тоглолтыг 2012 оны 04 сарын 27-нд 17:00 цагаас өөрийн тайзнаа тоглох гэж байна.
Энэ сарын 24-нд ДБЭТ-т Монгол болон гадаад төгөлдөр хуурчид хамтран зохион байгуулж буй анхны тоглолт “Grand Evening of Piano” болох гэж байна. 2007, 2008 онд бие даан тус тоглолтыг тавьж байсан Б.Оюунгэрэл энэ удаа БНХАУ-ын алдартай төгөлдөр хуурч Ли Гуо Чаотай хамтран тоглохоор болжээ.
“Strangers In The Night”жааз концерт 4-р сарын 13-нд 19.00 цагаас “Тусгаар Тогтнолын Ордон”-д ганцхан үдэш болох юм. Тоглолтын тасалбар энэ долоо хоногоос “HI-FI” рекордсын бүх салбаруудаар болон “Тусгаар Тогтнолын Ордон”-д худалдаалагдаж байгаа ажээ. Мөн 1950 утсаар үнэгүй захиалан хүргүүлэх боломжтой.
“Гэгээн муза-2011” наадмын шилдгээр шалгарсан Б.Цогнэмэхийн “Тэнгэрийн хүү” жүжгийг дахин тоглох гэнэ. Энэ удаад УБЭТ-ын уран бүтээлчид “Тэнгэрийн хүү” жүжгийг энэ сарын 6-21-ныг хооронд тоглох аж. Мөн энэ сард театрт “Домогт Ану хатан“,”Парисын дарь эхийн сүм” жүжгийг тоглох гэнэ. Харин энэ сарын 22-ноос эхлэн “Гэнжийн туульс” романаас сэдэвлэсэн “Эсрэг дурлал” хэмээх шинэ жүжгийг тоглохоор бэлтгэж байна
Дэлхийн анхны роман болох “Гэнжийн намтар” романаас сэдэвлэсэн “Эсрэг дурлал” хэмээх драмын жүжиг тун удахгүй. Улсын драмын эрдмийн тайзнаа тоглогдохоор болжээ. Алтан тайзнаа тавигдах энэхүү жүжгийн ерөнхий найруулагчаар МУГЖ Ч.Найдандорж ажиллаж хөгжмийн зохиолыг МУАЖ Ц.Батчулуун бичиж, ерөнхий зураачаар СТА Н.Ганхуяг нар ажиллаж байгаа юм байна.
Засгийн газрын хэрэгжүүлэгч агентлаг Хүүхдийн төлөө газар, хүүхдийн төлөө ажилладаг төрийн болон төрийн бус олон улсын байгууллагуудын хамтын ажиллагааг өргөжүүлэх, байгууллагынхаа үйл ажиллагааг олон нийтэд сурталчилах, нөлөөллийн ажлыг эрчимжүүлэх зорилгоор “Хүүхдийн хөгжил оролцоо, хамтын ажиллагаа” өдөрлөгийг зохион байгуулах гэж байна. Энэхүү арга хэмжээний үеэр хүүхдийн уран бүтээлчид хүүхэд багачууддаа өөрсдийн дуу шүлэг заахын зэрэгцээ УДЭТ-т хүүхэд багачууддаа зориулсан уран бүтээлээрээ үнэ төлбөргүй бэлэг барих гэнэ.
Ийм нэртэй жаз тоглолт энэ сарын 13-нд Тусгаар тогтнолын ордонд болох юм байна. Монголын болоод дэлхийн шилдэг жаз, сонгодог поп бүтээлүүдийг, “Баян монгол” чуулгын үлээвэр найрал хөгжим “Jazz big band”‘ хамтлаг, Монгол Улсын филармони оркестр, утсан хөгжмийн ангийн уран бүтээлчид эгшиглүүлнэ. Шилдэг бүтээлүүдийн хөгжмийн найруулга ая данг ерөөсөө өөрчлөхгүйгээр анхны тэр л байдал, өнгө аясаар нь хөгжим сонирхогчдод хүргэхээрээ энэ тоглолт өвөрмөц болно гэнэ.
Монгол циркийн “Алтан үе”-ийн алиалагч СТА Латиф агсны дуучин Л.Байзда, жүжигчин Л.Нурбулан нар ирэх дөрөвдүгээр сард аавынхаа гэгээн дурсгалыг хүндэтгэж, циркийн манежнаа хамтран тоглолт хийхээр болжээ. Тоглолтонд танигдсандуучин Л.Байзда 90-ээд оныхны үед хит болж байсан дуунуудаа дуулж, жүжигчин Л.Нурбулан монголын томоохон зохиолчдын богино өгүүллэгүүдийг уншиж, аавынхаа алиалагчын үзүүлбэрээс толилуулах юм байна.
Үндэсний хөгжмийн урлагийг орчин цагийн хөгжмийн хэмнэлтэй хослуулан уран бүтээлээ туурвидаг “Жонон” хамтлагийн анхны бие даасан тоглолтын тасалбар худалдаан гарлаа. Тус хамтлагийн энэ сарын 30-нд Тусгаар тогтнолын ордонд “Зөн” нэртэй анхны бие даасан тоглолтыг хийхээр зарлаад байгаа аж. Тоглолтын тасалбарыг “Hi-Fi Records”-ын бүх салбараар болон 1905 утсаар захиалан авч болох гэнэ. Тасалбарын хувьд 30.000 төгрөгийн үнэтэй юм.