Улсын Филармониос жил бүрийн Валентиний баяраар уламжлал болгон зохион байгуулдаг I love you тоглолтоо 2018 оны 02-р сарын 14-нд 19:00 цагт Улсын Филармонийн концертын танхимд ганцхан удаа тоглох гэж байна. Тоглолтод Баянмонгол жазз найрал хөгжмийн уран бүтээлчид, удирдаач С.Саруул-Од, дуучин Л.Насанбуян, Б.Маралжингоо, С.Хишигжаргал, П.Баярцэнгэл, Г.Тэнүүн нар оролцож хайр дурлалын сэдэвт дуу, хөгжмийг үзэгч сонсогчдын хүртээл болгоно.
Ангилал: Уртын дуу
Дуучин Мөнхбат, Үүрээ хайрын романсаа эргэн сэргээжээ
Монголын Зохиолчдын Эвлэл шинэ оны эхэнд Солонгосын Чэжүгийн зохиолчид МЗЭ-тэй хамтран ажиллах санамж бичигт гарын үсэг зуржээ. Харин он гарсаар олон шинэ ажлын эхлэлийг тавьж гадаад дотоодын хувь хүн албан байгуллагтайхамтарч ажиллах хэд хэдэн уулзалт арга хэмжээг зохион байгуулжээ.
Хөгжмийн зохиолч, ая зохиогч, уран бүтээлчдийн оны шилдгүүдийг тодруулдаг “Морин хуур 2017” наадам энэ сарын 12-нд болно. 31 дэх удаагаа зохион байгуулагдаж буй “Морин хуур” наадмын шилдэг бүтээлийг мэргэжлийн, нийтийн, эстрадын /поп, рок, хип хоп/ дуу гэсэн гурван төрлөөр шалгаруулж, тэргүүн шагналтнуудаас оны шилдгийн шилдэг “Гранпри” шагналт хөгжмийн зохиолч тодруулах юм байна.
‘Гэгээн Муза’ 14 дэх удаагийн олон улсын театрын наадам 2018 оны тавдугаар сарын 7-13-ны өдрүүдэд Улаанбаатар хотноо болохоор товлогджээ. Энэ удаагийн наадмыг уламжлал ёсоор драмын жүжиг, дуулалт жүжиг, хүүхдийн жүжиг, нэг хүний жүжгийн төрлөөр зохион байгуулна. Одоогоор олон улсын театрын наадмын нэгдүгээр шатны үзлэг Сүхбаатар аймагт үргэлжилж байгаа аж.
ҮУИТ-ын хамт олон “НАРАН МАНДАХ ТАЛЫН МОНГОЛ” бүрэн хэмжээний концертыг Монгол улсын урлагийн гавьяат зүтгэлтэн, Төрийн шагналт С.Сүхбаатарын найруулгаар бүтээж байна. Монгол түмний өв соёл, ахуй амьдрал, түүхэн уламжлалыг дүрслэн харуулж, байгаль эх дэлхий Говь, Тал, Хангайг магтан дуулсан үндэсний урлагийн тайзны шинэхэн бүтээлийг толилуулах гэж байна.
Монгол Улс ирэх 2019 онд “Торгоны замын олон улсын загварын 7 хоног”-ийг зохион байгуулах эрхийг авчээ. Тодруулбал, БНХАУ-ын Чунчин хотод өнгөрөгч арванхоёрдугаар сарын 3-ны өдрөөс 10-ны хооронд Ази тивийн загварын олимп гэгдэх “Торгоны замын загварын 7 хоног” болж, тус загварын долоо хоногт Монголын Олон улсын моделийн холбоогоор ахлуулсан баг хамт олон маш амжилттай оролцоод ирсэн байна.
Хэдэн зууны туршид ардын аман зохиолын хэлбэрээр хөгжиж, богино хэмжээний аялгуутай дуулагдаж ирсэн зохиогч нь үл мэдэгдэх дууг ардын богино дуу хэмээн нэрлэж иржээ. Ардын богино дуу нь үндэстэн ястан, нутаг усныхаа онцлогийг тусгаснаараа үг, аялгуу нь ялгаатай байдаг. Халх, буриад, үзэмчин, баяд, халимаг, хотгойд, баруун монгол, дарьганга, цахар ардын дуунаас гадна хүрээ дуу гэж бий. Хүрээ дуу нь 1900-1930-аад оны үед түгээмэл дэлгэрсэн. Хүрээ дууг ихэвчлэн шанздаж, дуулдаг байжээ. Говь хээрийн дууны аялгуу уужим тавиу байхад баруун Монголын юмуу уулархаг нутагтай ард түмний дуу богинохон, түргэн айзамтай байх жишээтэй. Зарим ардын богино дуунууд үг нь ижил боловч хэд хэдэн аялгуутай байх нь ч бий.
Монгол, Хятадын хүмүүнлэгийн солилцооны хамтарсан зөвлөлийн анхдугаар хурал 2018 оны 01-р сарын 25-ны өдөр Бээжин хотноо болж өндөрлөлөө. Тус хурлыг Монгол улсын гадаад харилцааны яамны төрийн нарийн бичгийн дарга Д.Даваасүрэн, БНХАУ-ын Гадаад хэргийн дэд сайд Кун Шюаньёу нар даргалж, Монголын талаас Гадаад харилцааны яам, Боловсрол, соёл, шинжлэх ухаан, спортын яам, Байгаль орчин аялал жуулчлалын яам, Хөдөлмөр нийгмийн хамгааллын яам, Нийслэлийн засаг даргын тамгын газар, Монголын үндэсний олон нийтийн телевиз, Монголын Залуучуудын Холбоо, Монцамэ агентлаг, Хятадын талаас БНХАУ-ын Гадаад хэргийн яам, Боловсролын яам, Соёлын яам, Эрүүл мэнд, гэр бүл төлөвлөлтийн хороо, Хэвлэл мэдээлэл, радио, кино, телевизийн Ерөнхий газар, Биеийн тамирын Ерөнхий газар, Аялал жуулчлалын газар, Төрийн зөвлөлийн харьяа Хэвлэл мэдээллийн алба, Хятадын Ардын гадаад орнуудтай найрамдлаар харилцах нийгэмлэг, Бүх Хятадын Залуучуудын нэгдсэн холбоо, ӨМӨЗО-ны Ардын Засгийн газар зэрэг байгууллагын нийт 40 гаруй төлөөлөгчид оролцжээ.
Нийслэлийн Морин Спорт, Уяачдын холбооноос жил бүр уламжлал болгон зохион байгуулдаг “Нийслэлийн Уяачийн өдөр” ёслол хүндэтгэлийн цэнгүүнээ зохион байгуулж, Нийслэлийн Алдарт уяачид болон 2017 оны шилдэг уяачид, уралдаанч хүүхдүүдээ тодруулжээ. 01 сарын 25-ны өдөр болсон тус цэнгүүнийг НМСУХ-ны тэргүүн М.Мөнхбаясгалан, НМСУХ-ны нарийн бичгийн дарга Ц.Ганбаяр нар нээж мэндчилгээ дэвшүүлсэн бөгөөд Нийслэлийн 9 дүүргийн 200 орчим уяачид, уралдаанч хүүхдүүдийн төлөөл чуулж шилдгүүдээ тодруулсан байна.