Сүүлийн жилүүдэд Хью Лори гэсэн нэр нь алдартай цуврал киноны гол дүр доктор Хаусаар төсөөлөгдөх болжээ.
Түүний авьяас чадвар маш олон талтай бөгөөд кинонд тоглох, ном бичих, хөгжим тоглох зэргийн алинд нь илүүг ялгаж хэлэхэд төвөгтэй аж. “Түүнтэй ойртож нөхөрлөснөөр хэчнээн ер бусын хүн болохыг мэдэрч болно” хэмээн түүний дотны найз Стивен Фрай хэлжээ. Мөн цааш нь түүнийг жинхэнэ ориг жентльменүүдийн сүүлчийнх гэж нэрлэж болно гэсэн байна.
“Шинэ үе” продакшны захирал, жүжигчин Н.Ариунболд буюу Бооёо цөөхөн найзтай гэдгээрээ бахархдаг. Учир нь, түүний нэрлэснээр шагай шиг сайхан найзууд нь ёстой л нэг үй зайгүй дотно нөхөрлөдөг юм байх. Тэдний нэг нь УДЭТ-ын найруулагч, жүжигчин Н.Наранбаатар бөгөөд мань хоёр дунд сургуульд байхаасаа үерхэж нөхөрлөсөн түүхтэй аж. “Төмөр замын шороог хамт идэж өссөн” гэж ирээд л гайхуулдаг Бооёо театрын тайзан дээр түүхэн жүжгээр өөрийнхөө ур чадварыг харуулж буй найзаараа ихэд бахархдаг гэнэ.
Сүр дуулиантай болсон Лондон 2012 Олимпийн нээлтийн арга хэмжээнд алдарт “Битлз” хамтлагийн Пол Маккартни дуугаа өргөсөн билээ. Тэгвэл дэлхийн од энэ тоглолтонд оролцсоныхоо хөлсөнд 1 фунт буюу 2000 орчим төгрөг л авсан байна.
Түүнд зохион байгуулагчдын зүгээс хүссэн үнийг нь төлөх санал тавьсан ч Маккартни энэ бүхнийг хүслээрээ хийж байгаа учраас мөнгө авахыг огт хүсээгүй гэнэ.
Том Крузаас салснаас хойш Кэти Холмсын шинэ сонирхолтой амьдрал эхэлсэн байна.
Түүний Holmes&Yang брэндийн хувцаснууд дэлгүүрийн лангуун дээрээс дорхноо алга болж, жүжигчин бүсгүйн зураг сонин сэтгүүлийн нүүрнээс салахаа байжээ.
Түүнээс гадна Кэти аль хэдийн дурлалын шинэ роман үүсгээд амжсан бололтой.
Хөгжмийн ертөнцийн хамгийн сайхан хосууд болох Бейонсе болон Jay-Z нар өнгөрсөн нэдүгээр сард анхны хүүхэд болох Blue Ivy-гаа өлгийдөн авсан билээ. Залуу хос Нью-Йоркийн Хэмптонд 2888 метр квадрат талбай бүхий тансаг харш түрээслэн суухаар болжээ. Гэвч Бейонсе, Jay-Z нар 400.000 ам долларын тансаг харшдаа ганцхан сар л амьдрах аж. Тэдний тансаг харш нь хиймэл уул, гольф, боулингийн хоёр ч талбайтай гэнэ. Хөгжмийн ертөнцийн хамгийн баян хосын түрээслэж буй шилтгээн хоёр унтлагын өрөө, хүүхдийн тоглоомын талбай, дугуй тэшүүрийн тавцан, теннисийн талбай болоод усан сантай юм байна. Бейонсе Америкийн “People” сэтгүүлд өгсөн ярилцлагандаа “Ээж болсондоо үнэхээр их баяртай байгаа.
Улаан хивсний ёслол, тансаг хүлээн авалтанд ихэнхдээ л дэгжин хээнцэр харагддаг Английн залуу жүжигчин Эмма Уатсон чамирхал сүүлийн өдрүүдэд алга болсон гэнэ. Учир нь Харри Поттэр киноны гол дүрээрээ олонд танигдсан Эмма өнгөрсөн долоо хоногт Лондоны нэгэн гудамжинд паппарацид өртжээ. Учир нь Английн 22 настай залуу од үс зүсээ янзлаагүй, гэрийн хувцастайгаа гарсан болов уу гэмээр явж байжээ.
Оюутолгой төслийг хэрэгжүүлэгч Рио Тинто групп Айвенхоу Майнз компанийн эзэмшлийн хувьцааны 51хувь буюу 133,6 сая ширхэг хувьцааны төлбөр 935 сая ам.долларыг өчигдөр төлжээ. Канадын Айвенхоу Майнз компани дахь эзэмшлийн хувьцааг 51 хувь болгож өсгөснөөр Рио Тинто Оюутолгой төслийн гол гүйцэтгэгч болж, менежментийн багийг удирдах болсон юм. “Рио Тинто” групп “Айвенхоу Майнз” компанийн нэгж хувьцааны үнэд долоон ам.доллар төлсөн бөгөөд одоо тус
Ардын хөгжмөөр поп аялгуу уянгалуулан, охид залууст шинэ хэмнэл мэдрүүлж яваа “Шанз-3” хамтлаг анхны цомгийнхоо ажилд оржээ. “Элсэн цөл” хэмээх анхны клипээ үзэгчдэд хүргээд байгаа тэд тун удахгүй транс урсгалаар уран бүтээл туурвих аж.
Сонирхуулахад, “Хурд” хамтлагийн бөмбөрчин Д.Отгонбаатар тус хамтлагийн продюссерээр ажлладаг юм билээ. Тус хамтлагийн бүсгүйчүүд ардын хөгжмийн аялгууг орчин үеийн хэмнэлд оруулж тоглохын сацуу өвөрмөц дэглэлттэй бүжигт хүртэл суралцаж байгаа аж. Тиймээс анхны цомгоо гаргасан даруйдаа тоглолт хийхээр төлөвлөж яваа гэнэ.
Амьд хөгжим сонирхогчдын хүсэн хүлээдэг “Playtime 2012” наадам Гачууртын “Монгол шилтгээн”-д наймдугаар сарын 4, 5-нд болох гэж буй. Рок наадамд олуулаа очихыг дэмжсэн энэ жилийн багцын үнэтэй тасалбар “Hi-Fi records” болон “Orange”-ын бүх салбараар худалдаанд гарлаа.
“Playtime” наадмыг хоёр өдрийн туршид үзэх бол 20 мянган төгрөг, хоёр дахь өдрийг дангаар нь үзэхийг хүсвэл 15 мянган төгрөг, тавуулаа хоёр өдрийн турш 80 мянган төгрөг, арвуулаа хоёр өдрийн тоглолтыг үзэх бол 150 мянган төгрөгийн үнэтэй тасалбаруудаас сонголтоо хийх боломжтой.
“Харанга” хамтлагийн дуучин Х.Лхагвасүрэн, “Хар сарнай” хамтлагийн дуучин С.Амармандах, “Номин талст” хамтлагийн дуучин Т.Дэлгэрмөрөн нарын хамтран гаргасан анхны цомог болох “Мөнх хөх тэнгэр” цомог өнөөдрөөс эхлэн “Hi-Fi Records”-ын хөгжмийн сүлжээ дэлгүүрээр худалдаалагдаж эхэллээ. Удтал хүлээлгэсэн эл цомог 15 мянган төгрөгийн үнэтэй бөгөөд өнгөрсөн тавдугаар сард хэвлэлтээс ирж, ах, дүү гурав цомгийн баяраа хийхээр төлөвлөөд байсан ч УИХ-ын сонгуультай давхцсан учраас ирэх намар болтол хойшлуулсан байгаа..
