Америкийн хөгжмийн ертөнцийн дуулгаваргүй охин, дуучин Рианна, рэппер Дрэйк нар “MTV” хөгжмийн наадамд тус бүр таван төрөлд нэр дэвшээд байна. Дуучин Рианна “We Found Love” болон Дрэйктэй хамтран дуулсан “Take Care” дууны клипээр “MTV” хөгжмийн наадмын оны шилдэг видео, шилдэг поп видео клип, шилдэг дууны видео төрөлд шилдгээр шалгарах магадлалтай байгаа гэнэ. Харин энэ удаагийн “MTV” хөгжмийн наадамд Рианнагийн хүчтэй өрсөлдөгч нь дөрвөн төрөлд нэр дэвшсэн цэнхэр үст бүсгүй Кэти Перри байх бололтой. Кэти Перри оны шилдэг видео клип төрөлд дуучин Рианнатай өрсөлдөх юм. Цэнхэр үст бүсгүй мөн байлдан дагуулагч клип төрөлд нэр дэвшээд байгаа юм байна. “MTV” хөгжмийн наадмын нэр хүндтэй шагналд “Somebody That I Used To Know” болон “M.I.A. for Bad Girls” дуугаараа Бельгийн дуучин хөгжимчин Gotye нэр дэвшжээ.
Шилдэг поп видео клип шалгаруулах номинацид Рианна What Makes You Beautiful дууг дуулсан Их Британийн “One Direction” хамтлаг болон “Boyfriend” дуугаар нэр дэвшсэн дуучин Жастин Бибер нартай өрсөлдөх гэнэ.
“MTV” хөгжмийн наадмыг ирэх есдүгээр сарын 7-нд Лон Анжелесоос шууд дамжуулан үзүүлэх юм. Энэ удаагийн хөгжмийн наадмыг “MTV”-ийн дөрвөн удаагийн шагналт Алиша Кийз хөтлөн хүргэх гэнэ. Дуучин бүсгүй наадмын нээлтэд хэний ч сонсоогүй шинэ дуугаар бэлэг барих юм байна.
