УДЭТ-ын уран бүтээлчид “Улсын драмын эрдмийн театрын өдрүүд” аялан тоглолтынхоо хүрээнд “Гамлет”, “Царцаа намжил” жүжгээ Дорнод аймгийн Чойбалсангаас ирэх дөрөвдүгээр сарын 21-23-нд, Дархан-Уулд 28, 29-нд “Царцаа намжил”, “Жаргаагүй нар”-ыг тоглох гэж байна.
Ангилал: Нийгэм
Мариинский театрын залуучуудын багийн дуучин Т.Энхбат ирэх сарын 26-нд тоглох “Кармен” дуурийн Эскамильогийн дүрд дуулахаар болжээ. Тэрбээр тус театрын алдартай таван дуучинтай өрсөлдөж байж эл дүрд сонгогдсон гэнэ. Хэрэв Т.Энхбат эл дүрийг амжилттай амилуулбал тус театрын үндсэн дуучин болох юм байна. Ингэснээр Мариинский театрт гоцлол дуучнаар ажиллах анхны монгол хүн болох нь. Сонирхуулахад, тэрбээр уг театрт 15 дахь удаагаа дуурийн гол дүрд дуулах гэж буй аж.
Хошин урлагийн үе үеийн уран бүтээлчид, шог зохиолч, зураачид, элэглэгчид, хошин урлагийн продакшнууд нэгэн тайзнаа чуулж, өөрсдийн сор болсон бүтээлүүдээ толилуулахын зэрэгцээ шилдгүүдээ тодруулдаг “Азтай бадарчин” Монголын хошин урлагийн их наадам ард түмэндээ эргэн ирлээ. Арав гаруй жилийн дараа дахин зохион байгуулагдаж буй “Азтай бадарчин” наадам энэ жил “Шилдэг эрэгтэй жүжигчин”, “Шилдэг эмэгтэй жүжигчин”, “Шилдэг шог зураг”-ийн төрлүүдэд шилдгийн шилдгүүдээ олон нийтийн санал хураалтаар тодруулах аж. Түүнчлэн “Шилдэг үзүүлбэр”-ийн шалгаруулалт нь наадмын өдөр тайзнаа шууд явагдаж, үзэгчдийн саналаар тодрох юм байна.
“Арвин судар” хэвлэлийн компаниас “Миний сайхан аав” дурсамжит номыг гарган долоо дахь жилтэйгээ золгож буй. Тэгвэл тус номын энэ жилийн дугаарт 108 аавыг онцолсон бөгөөд ирэх дөрөвдүгээр сарын 28-нд номыг гардуулах арга хэмжээ болно.
Тайванийн нийслэл Тайпейд Монгол Улсын түүх соёлыг харуулсан “Гэр номын сан” нээгджээ. Тайванийн Гадаадын иргэн харьяатын үндэсний төвийн 11 дүгээр давхарт нээгдсэн тус номын санд Тайпей хотод сурч боловсорч буй монгол хүүхдүүд нээлттэй үйлчлүүлэх эрхтэй аж.
Хүмүүнлэгийн ухааны их сургуулийн харьяа Билиг дээд сургууль Монголын хуульчдын холбоотой хамтран Ерөнхий боловсролын XII ангийн сурагчдын дунд зохион байгуулж буй сэдэмж бичгийн уралдаанд та бүхнийг урьж байна.
Жил бүрийн гуравдугаар сарын сүүлийн бямба гарагт “Эх дэлхийн цаг” арга хэмжээг дэлхий нийтээрээ тэмдэглэдэг. Уур амьсгалын өөрчлөлттэй тэмцэх, эрчим хүчний зүй зохистой хэрэглээг төлөвшүүлэхийг уриалж, Эх дэлхийнхээ төлөө нэг цаг гэрлээ унтрааж, эрчим хүчээ хэмнэдэг. Энэ жил “Эх дэлхийн цаг” арга хэмжээг өнөөдөр буюу гуравдугаар сарын 25-ны өдөр дэлхий нийтээрээ тэмдэглэнэ.
Хүүхдийн авъяас , чадварыг нээн хөгжүүлэх, хүүхдэд урлаг, уран сайхан, гоо зүйн хүмүүжил олгох, шинэ авъяастныг бий болгоход чиглэсэн “ Уран жиргээ” уран уншлагын уралдаан Хүүхдийн ордонд боллоо. Уралдаанд гурван насны ангиллаар 60 уран уншигч хүүхэд оролцож өөрсдийн авъяас , чадвараа сорьсоноос:
Гэр бүлийн өдрийг тэмдэглэн өнгөрүүлснээр хүүхдүүд эцэг эхтэйгээ санал бодлоо чөлөөтэй илэрхийлэх боломж бүрдэнэ, эцэг эхийн хайр халамжийг мэдрэх, чөлөөт цагаа зөв боловсон өнгөрүүлдэг болох, гэр бүлийн халуун дулаан эерэг уур амьсгал бүрдэх, гэр бүл төлөвлөлт, төсөвлөлт сайжрах, гэр бүлийн гишүүд харилцан бие биенээ хүндэтгэж сурах, сургаал, ёс заншил, өв уламжлалаа, ураг төрлөө дээдлэх, гэр бүл тогтвортой бат бөх болох гэх мэт олон эерэг үр дагаврууд гарах юм.
Боловсрол суваг телевизээс “Яг түүн шиг” шоу нэвтрүүлгийг өнгөрсөн жил зохион байгуулж, нэг хэсэгтээ л үзэгчдийг дэлгэцийн өмнө уяж чадсан. Тэгвэл тус шоуны хоёрдугаар улирлын тоглолт ирэх сарын 9-нөөс эхлэн үзэгчдэд хүрч эхлэх ажээ. Тус шоунд Камертон хамтлагийн дуучин Г.Мэнд-Амар, дуучин А.Хишигдалай, “Х-Түц” продакшны жүжигчин Т.Бархүү, Эмоци продакшны жүжигчин Б.Ариунцэцэг, БНСУ-ын Монтант хамтлагийн дуучин С.Гантогоо, Төгөлдөр хуурч Ами, дуучин Б.Халиун нар оролцох гэж буй аж.