Сүүлийн үед олны танил одуудын зургууд хакерийн халдлагад ихээр өртөж байгаа билээ. Тэдний нууц зургуудыг интернэтээр тараан саяхан британи жүжигчин Эмма Уотсоны нүцгэн зураг тарсан бол энэ удаад америк жүжигчин Аманда Сеифрэйдийн зураг мөн ил болжээ. Түүний найз залуу мөн жүжигчин бөгөөд энэ удаад залуу хосын секс зураг хүртэл алдагдсан байна.
Ангилал: Нийгэм
Өнөөдөр гуравдугаар сарын 22 буюу өдөр, шөнө тэнцэх энэ өдөр казахууд өвлийг өнтэй давсны баяраа тэмдэглэдэг. Өнгө өнгийн хээ хуартай хувцас хэрэгсэл, ширмэл ширдэг, сургуулилттай бүргэд гээд үндэснийхээ уламжлал хэв маягийг хадгалсаар ирсэн казах түмний “Науриз” буюу Нарны баяр өнөөдөр тохиож байна.
Өнгөрсөн долоо хоногт буюу энэ сарын 17-нд “Үзэсгэлэнт гүнж бас жонон” уран сайхны кино АНУ-д албан ёсоор нээлтээ хийж, Орос, Сингапур, Серби, Казакстан зэрэг 24 орны кино театруудаар гарч эхэлсэн. 2017 оны хамгийн их хүлээлт үүсгээд байсан тус кино, кино театруудад гарч эхэлснээсээ хойш 4 өдрийн дотор, дэлхий даяар нийт 350 сая америк долларын ашиг олж, дээд амжилт тогтоогоод байгаа тухай олон улсын СNN агентлаг мэдээллээ.
Жүжигчид дуулж, бүжиглэсэн тоглолт болох тухай сүүлийн өдрүүдэд телевиз радиогоор мэдээлэл цацагдаж, үзэгчдийг анхаарлыг татаад байгаа. Тэгвэл тус тоглолтын талаарх дэлгэрэнгүй мэдээллийг интернет хэрэглэгчид, уншигчиддаа хүргэж байна.
Олон ястаны өлгий, баруун бүсийн тулгуур төв Ховд аймагт “Залуу малчдаа дэмжих аян” хүрч ажиллажээ. УИХ-ын гишүүн Д.Гантулга Монгол цэргийн өдөр, Зэвсэгт хүчин байгуулагдсаны 96 жилийн ойг тохиолдуулан цэргийн гавьяаны улаан тугийн одонт, Хатанбаатар Магсаржавын нэрэмжит, Ховд аймаг дахь зэвсэгт хүчний 123-р ангийн жагсаалд оролцож, Монгол цэргийн өдрийн баярын мэнд хүргэлээ. Мөн аймгийн засаг дарга Д.Галсандондог, ИТХ-ын дарга Г.Пүрэвганди болон холбогдох албаныхантай уулзаж, аймгийн хөгжлийн бодлого, асуудал шийдэл, малчдын тухай зэрэг олон асуудлаар санал солилцжээ.
Америкийн алдарт мөчлөг бүжиг дэглээч, эргэлтэт дугуйн спортын сургагч багш Кэйт Томсон Монголын эргэлтэт дугуйн холбоо болон Сүлд спиннинг клубийн урилгаар Монголд иржээ. Түүнийг алдарт дуучин Арина Кардинагийн клипний бүжгүүдийг дэглэдэг бөгөөд “KTX” фитнесс клубийн үүсгэн байгуулагч билээ. Кэйт Томсон манай оронд айлчилах үеэрээ хоёр өдрийн сургалт зохион байгуулжээ. Сургалт Улаанбаатар хотод үйл ажиллагаа явуулж буй эргэлтэт дугуйн бүх клуб оролцсон бөгөөд Хөвсгөл, Дархан, Эрдэнэт, Өвөрхангай зэрэг аймгаас 15 клубийн тамирчид ирж оролцсон байна.
ЮНЕСКО-гоос соёрхон баталсны дагуу Дэлхийн яруу найргийн өдөр өнөөдөр тохиож байна. 1999 оноос эхлэн жил бүрийн гуравдугаар сарын 21-нд дэлхий нийтээр тэмдэглэх болсон энэ өдрийг тохиолдуулан өнөөдөр хэд хэдэн арга хэмжээ болох юм байна. Тодруулбал, Дэлхийн яруу найргийн өдрийн хүрээнд Хэлний бодлогын үндэсний зөвлөлөөс www.nairuulga.mn цахим хуудсыг олон нийтэд танилцуулах арга хэмжээ 11.00 цагт БСШУСЯ-ны 401 /Б/ зааланд болно. Мөн түүнчлэн Монголын Гэрэл Зурагчдын Нэгдсэн Холбоо, “Зохист Дорно” хэвлэлийн газраас санаачлан анх удаа гэрэл зураг, яруу найргийн өгүүлэмжээр дамжуулан Монгол эх орныхоо үзэсгэлэнт байгаль, эх нутгийг бүтээлээрээ харуулахыг зорьжээ.
Монголын язгуур урлагийн гайхамшигт өв соёлыг сурталчилан, таниулах ирмүүн зорилгын дор нэгдэн нийлсэн Хөсөгтөн багийн АНУ, Канад улсаар хийж буй аялан тоглолт амжилттай үргэлжилж байна. Гуравдугаар сарын 3-наас Канадын Оттава хотоос эхэлсэн энэхүү аялан тоглолт одоогоор нийт таван хотод зохион байгуулагдаад байна.
Нийслэлийн Засаг дарга бөгөөд Улаанбаатар хотын Захирагчийн 2016-2020 онд хэрэгжүүлэх үйл ажиллагааны хөтөлбөрийн 4.6.1 дэх хэсэгт “Нийслэлийн залуучуудын талаар баримтлах бодлого, хөтөлбөрийг боловсруулж хэрэгжүүлнэ” гэж заасны дагуу нийслэлийн Залуучуудын хөгжлийн газраас Залуучуудын хөгжлийн хөтөлбөр боловсруулахаар ажиллаж байна. Тус хөтөлбөрийн төсөлд олон талын саналыг тусгах зорилгоор нийслэлийн ЗДТГ-ын хэрэгжүүлэгч агентлагууд, дүүргүүдийн холбогдох мэргэжилтнүүд, иргэний нийгмийн байгууллага, оюутан сурагчид, хөгжлийн бэрхшээлтэй иргэдийн төлөөлөл зэрэг 40 гаруй байгууллагын оролцоотойгоор хөтөлбөрийн төслийн эхний хэлэлцүүлгийг зохион байгууллаа.
Нийслэл хотын ном шимтэн уншигч иргэд өөрт байгаа номоо бусадтайгаа солилцож уншдаг уламжлалт “Номоо солилцъё” өдөрлөг ирэх сарын 1-ний 12:00-14:00 цагийн хооронд Д.Сүхбаатарын талбайд зохион байгуулагдана.