Монголын соёл, урлагийн салбарын оны шилдгүүдийг тодруулж шагнаж урамшуулдаг "Мөнгөн мод" ёслол хүдэтгэлийн үйл ажиллагаа өчигдөр ёслол төгөлдөр болж өнгөрлөө. Тодруулбал тайз, дэлгэцийн шилдэг найруулагч, зураач, жүжигчин, дуучин, хөгжимчин, бүжигчин, соёлын биет бус өвийг өвлөн уламжлагч гэсэн 7 номинацид 2016 оны шилдэг уран бүтээлчдийг тодруулж, “Мөнгөн мод” цомыг гардууллаа.
Монголын шилдэг уран бүтээлчдийн билэг авьяасыг үнэлэх, урамшуулах, уран бүтээлийн чанар, хүртээмжийг нэмэгдүүлэх, алдаршуулах зорилгоор ес дэх удаагаа зохион байгуулагдсан тус үйл ажиллагаанд соёл, урлагийн 17 байгууллагын 25 шилдэг уран бүтээлчид нэр дэвшин өрсөлдсөн юм. Журмын дагуу шилдгээр шалгарсан уран бүтээлчдэд “Мөнгөн мод” цомыг гардуулдаг бөгөөд цомыг 3.0 сая төгрөгийн шагнал дагалддаг билээ. Ингээд та бүхэндээ энэ жилийн “Мөнгөн мод” цомын эздийг алдаршуулан танилцуулъя.
- “Шилдэг хөгжимчин”-өөр Хөгжим, бүжгийн коллежийн багш МУСТА Чулуунбатын Мөнх-Эрдэнэ
- “Шилдэг дуучин”-аар Серж Меценат сангийн дуучин Энхболдын Анхбаяр
- “Тайз, дэлгэцийн шилдэг жүжигчин”-ээр Улсын Хүүхэлдэйн Театрын жүжигчин Цэцгээгийн Цэрэндорж
- “Шилдэг бүжигчин”-ээр Дуурь Бүжгийн Эрдмийн Театрын гоцлол бүжигчин МУСТА Отгонтөгсийн Анужин
- “Биет бус өвийг өвлөн уламжлагч билиг авьяастан”-аар МУСТА Мягмаржавын Ариунтөгс
- “Тайз дэлгэцийн шилдэг найруулагч”-аар “Бүү март” түүхэн уран сайхны киноны найруулагчаар ажилласан найруулагч Адъяадоржын Мөнхсүх нар тус тус тодорч “Мөнгөн мод” цом, 3.0 сая төгрөгийн эзэд болцгоолоо.
