Тун удахгүй Олон улсын эмэгтэйчүүдийн баярын өдөр тохиох гэж байна. Энэ өдрөөр та хайртай ижийгээ, халамжит ханиа, хайртай бүхнээ хэрхэн баярлуулахаа мэдэхгүй байгаа бол бид таньд энэ өдөр тоглогдох бүх тоглолтын хуваарийг танилцуулж байна.
“Хурд” хамтлаг “Инэмсэглэ бүсгүйчүүд” , ” Ханьдаа дуулъя” тоглолтуудаараа бэлэг барина
Зарим бүсгүйчүүдийн хувьд тэгш гадаргуу бүхий замаар өндөр өсгийттэй явахад хэцүү байдаг. Тэгвэл Оросын нэгэн эмэгтэй циркчин олсон дээгүүр өндөр өсгийттэй явж, Гиннесийн амжилтыг шинэчлэн тогтоосон байна. Оксана Сероштан гэгч үзэсгэлэнт бүсгүй тэрхүү амжилтыг тогтоожээ.
Уран бүтээлч Л.Хонгорзулын “Сайн чимээ” бие даасан үзэсгэлэн нээлтээ хийнэ. Гранд Арт-6 Монгол-Солонгосын залуу уран бүтээлчдийн наадмын тусгай шагналт уран бүтээлч Л.Хонгорзул нь монгол улсад зохион байгуулагдсан 30 гаруй үзэсгэлэн, түүнчлэн Японы Фукуокагийн олон улсын наадам, Солонгосын Дэжон хотын Олон улсын солилцооны хөтөлбөрийн хүрээнд зохион байгуулагдсан үзэсгэлэн зэрэгт уригдан оролцож байсан юм. Нээлтийн ажиллагаа 2016 оны 3-р сарын 7-ны Даваа гарагт 18.30-д 976 Арт Галерейд болно.
Монголын залуучуудын холбооноос жил бүр зохион байгуулдаг хайрын шүлгийн “ЦагаанУул -2016” яруу найргийн наадам ирэх есдүгээр сард болно. Тус хайрын шүлгийн наадам нь залуу яруу найрагчдын дунд зохион байгуулагддаг бөгөөд энэ жил 16 дахь удаагаа зохион байгуулагдаж байгаа юм. Тус наадамд 21 аймаг, нийслэлийн найрагчид оролцох юм байна.
Наадам гурван үе шаттай явагдах ба эхний шатанд нийт шүлгээ явуулсан яруу найрагчдаас 50-ыг нь сонгон шалгаруулж тайзнаа өөрийн шүлгээ унших эрхтэй болох аж.
Монгол поп опера урсгалаар уран бүтээлээ туурвидаг “Увертюра” хамтлагийн залуус олон ч сайхан уран бүтээлээрээ сонсогч түмнийхээ хүндлэлийг хүлээсэн билээ. Хамтлагийн залуус өнгөрөгч онд уран бүтээлийн олз омог ихтэй байж Монгол орон даяар аялан тоглолтоо хийхээс гадна “Надад үлдсэн найз бүрэн хэмжээний мюзиклээрээ сонсогчиддоо бэлэг барьсан.
Монголын рок попын түүхэнд 20 гаруй жилийн турш домог болон гялалзаж яваа “Хурд” хамтлаг эмэгтэйчүүдийн баярыг тохиолдуулан энэ сарын 8-ны өдөр “Ханьдаа дуулъя”, “Инээмсэглэ бүсгүйчүүд” хэмээх тоглолтуудаа үзэгч түмэндээ хүргэхэд бэлэн болжээ. Хамтлагийнхаа түүхэнд анх удаагаа нэг өдөр хоёр өөр тоглолтыг толилуулах гэж байгаа “Хурд”-ынхан өнөөдөр “Castle” клубд хэвлэлийн бага хурлаа хийсэн юм. Тэд “Нарлаг диваажин” хэмээх шинэ дууны цомгоо өлгийдөн авснаа үзэгч, сонсогч түмэндээ танилцуулж, тоглолтынхоо тухай мэдээллээ. Тэд хэлэхдээ “Манай хамтлагийн үзэгч фенүүдийн 70-80 хувь нь эмэгтэйчүүд байдаг учир 20 гаруй жил бидний дууг сонсож, үнэнчээр дэмждэг монголынхоо бүсгүйчүүдэд зориулан ийнхүү эмэгтэйчүүдийн баяраар тоглолтоо хийж байгаа юм” гэж байлаа.
Өнөө цагийн нийтийн дуучдыг өнгөлж яваа МУСТА А.Түмэн-Өлзийг дуунд дуртай монголчууд андахгүй. Тэрээр “Баясгалантай дэлхий” “Хайрын тэнгэр диваажин” тоглолтуудаараа түмэн олноо уяраасан билээ.
Тэгвэл МУСТА дуучин А.Түмэн-Өлзий удахгүй болох олон улсын эмэгтэйчүүдийн баяраар “Хатан гоо ээжүүддээ” тоглолтоо зохион байгуулж байгаа бөгөөд тоглолт “Улаанбаатар” ресторанд 18:00 цагаас ганцхан удаа болох юм.
Хошин урлаг & Нийтийн дуучдын хамтарсан “Бүх хайраа бүсгүйчүүддээ” шоу тоглолт гуравдугаар сарын 07, 08-ны өдрүүдэд Тусгаар тогтнолын ордонд 19 цагаас болохоор товоо зарлалаа.
Тус шоу тоглолтод “Шилдэг өнгө”, “Мөрөөдлийн теарт”, “Пароди” хамтлаг, Чапи & Суурь бүсгүйчүүддээ инээд бэлэглэхээс гадна МУГЖ, Дуучин Д.Энхзул, Б.Болормаа, “Увертюра” хамтлаг, МУСТА Д.Намсрайноров, Г.Эрдэнэтунгалаг, Дуучин Б.Оюунбат , Р.Бадралмаа, Б.Буянжаргал нар оролцож өөрсдийн ая дуугаа өргөнө.
Уран бүтээлч Б.Дөлгөөний “Бүрхүүл” үзэсгэлэн дэлгэгдэж байна. Монгол-Солонгосын Гранд Арт 5 залуу уран бүтээлчдийн наадмын тэргүүн шагналт, Японы хувцас загварын 47 дахь орон улсын уралдаан, Hempel Fashion Award Beijing уралдааны финалист, VISION 2010 Хувцас загварын шоуны Шилдэг дизайнерын шагналт уран бүтээлч Б.Дөлгөөн нь Хятад, Япон, Солонгос, Хонг Конг, АНУ, Герман, Франц, Непал, Белги улсуудад зохион байгуулагдсан үзэсгэлэн, уралдаанд дүрслэх урлаг, хувцас загварын бүтээлүүдээрээ амжилттай оролцож байсан юм.
Монголын урлагийн амьд домог “Хурд” хамтлаг эмэгтэйчүүддээ зориулаад “Ханьдаа дуулъя”, “Инээмсэглэ бүсгүйчүүд” гэсэн хоёр тоглолтоороо бэлэг барих болсноо дуулгасан. Тус тоглолтын хэвлэлийн хурлыг 3 -р сарын 4-ны өдөр буюу өнөөөдөр”Castle клуб”-д 12:00 цагаас хийхээр болжээ. Тус хурлаар 3-р сарын 8-ны өдөр болох хоёр тоглолтынхоо талаар дэлгэрэнгүй мэдээллийг өгөх бөгөөд “Нарлаг диваажин” шинэ цомгийн танилцуулгаа мөн хүргэх юм.
