Энэ амралтын өдөр буюу 7сарын 3-нд 15 цагаас баяр наадмыг тохиолдуулан баярын бэлэг болгон бvх эмэгтэйчүүд хүүхдүүддээ мэндчилгээ дэвшүүлж өдөрлөг зохион байгуулахаар боллоо. Өдөрлөгөөрөө та бүхэндээ үнэ төлбөргүй эрүүл мэнд, зөв хооллох зөвөлгөө өгөх болон бүх сургалтандаа 50%-ын хөнгөлөлт зарлаж бүх үйлчлүүлэгчиддээ бэлэг барьж байна.
Ангилал: Нийгэм
“Олон улсын Хөөмийн IV” наадмыг зохион байгуулах ажлын хэсэг аймгийн Засаг даргын захирамжаар байгуулагдаж, 2 дахь удаагаа хуралдлаа. Аймгийн Засаг даргын үйл ажиллагааны хөтөлбөрт тусгагдсаны хүрээнд 2 жилд нэг удаа уламжлал болгон зохион байгуулдаг “Олон улсын Хөөмийн IV” наадам 7 дугаар сарын 6-9-ны өдрүүдэд зохион байгуулах тов гарсан бөгөөд энэ үеэр хөөмийн өлгий нутаг болсон Чандмань суманд эрдэм шинжилгээний бага хурал зохион байгуулахаар төлөвлөлөө.
Тулгар төрийн 2225, Их Монгол улсын 810, Ардын хувьсгалын 95 жилийн ой, Үндэсний их баяр наадмын урлаг соёлын үйл ажиллагааны нэгдсэн хөтөлбөрийг танилцуулъя.
Топ модель С.Ариунбилэг загварын тайзнаа гаргасан амжилтаасаа гадна хайр дурлалын асуудлаараа олны анхаарлыг татдаг нэгэн. Үүгээр ч зогсохгүй өөрийн найз загвар өмсөгч Т.Уранзултай хамт “Cherful” нэртэй хамтлаг хүртэй байгуулж клипээ гаргаж байсан удаа ч бий. Харин тэрбээр нэгэн зүйлд эмзэглэж явдаг бололтой. Мэдээж хамтлаг хүртэл байгуулаад авсан түүнийг хаа нэгтээ дуулах хүсэлт тавих нь олонтаа байх. Харин тэрбээр энэ талаараа “Зүгээр л өөрийнхөө хүсэл мөрөөдлийг биелүүлэх зорилгоор хамтлаг байгуулан ганц хоёр дуугаа гаргасан. Үнэхээр сайхан хоолойг бурхан надад заяасан бол би дууны карьераа орхихгүй байсан. Тэгэхээр одоо надаар дуу дуулуулах хүсэлт битгий тавиачээ гэж хүсмээр байна” хэмээжээ.
“Найрсаг Улаанбаатар” хөтөлбөрийн хүрээнд Дэлхийн болон Монголын сонгодог урлагийн сор болсон бүтээлүүдийг дээжлэн хүргэдэг “Бэст оф Классикс” сонгодог урлагийн үдшийн цэнгүүнийг Улсын Дуурь Бүжгийн Эрдмийн Театрын уран бүтээлчид 07 сарын 02- ны өдөр буюу бямба гарагт 21:00 цагаас Чингисийн талбайд тоглох гэж байна. Энэхүү цэнгүүнд Ж.Бизе “Кармен”, П.Чайковский “Нойрссон гүнж”, “Хунт нуур” Ж.Чулуун “Уран хас”, Д.Лувсаншарав “Шивээ Хиагт” Б.Шарав “Чингис Хаан” гэх мэт шилдэг бүтээлийн дээжээс тоглох юм. Тасалбарыг Улсын Дуурь Бүжгийн Эрдмийн Театрын касснаас авна уу гэж Нийслэлийн Соёл, урлагийн газраас мэдээллээ.
Монголын үндэсний ууган сонгодог бүтээл “Учиртай гурван толгой” дуурийг Үндэсний их баяр наадамд зориулан гадаа задгай талбайд тоглох бөгөөд гол дүрүүдийн сонгон шалгаруулалт эхэллээ. Сонгон шалгаруулалтад 23-40 насны, дуурийн мэргэжлийн дуучин, өмнө нь гол дүрд тоглож байсан туршлагатай байх шалгуур тавьж байгаа аж. Гол дүрийг бүтээх уран бүтээлчдийг энэ сарын 27-29-нд УДБЭТ-ын байранд бүртгэнэ.
Үе үе сүнс үзэгддэг гэх хамгийн алдартай зочид буудлуудын жагсаалтыг гаргасан байна. Уг жагсаалтад Европ, Америк, Ази, Австралийн зочид буудлууд багтжээ. Тэдгээрийн дотор Английн Суррэй гүнлигт орших Oatlands Park Hotel байгаа юм. Энэ буудлыг XVI зуунд баригдсан нэгэн ордны суурин дээр байгуулжээ. Эзэн хаан VIII Генрих өөрийн эхнэр Анна Клевскаяд зориулж тэр ордныг барих тушаалыг гаргасан гэдэг. Дээрх зочид буудлын хонгилоор тэр “Саарал хатагтай”-н нөхөрсөг сүнс үе үе харагддаг байна. Домог яриагаар бол тэрхүү сүнс нэгэн ажилтан эмэгтэй нь дурлалт эртэйгээ муудалцаад цамхагийн цонхоор үсэрч амиа хорлосны дараагаар гарч ирсэн аж.
Германы Минден хотод өнгөрсөн жилийн аравдугаар сард дүрвэж ирсэн ирсэн 25 настай залуу 150 мянган евро буюу 166 мянга гаруй доллар олсоноо, орон нутгийн албаны хүмүүст хүлээлгэн өгсөн байна. Нэр нь үл мэдэгдэх Сири залуугийн ярьснаар буяны байгууллагаас өгсөн хуучин аяга тавагны шүүгээн дотор тэр их хэмжээний мөнгө байсан гэнэ. Миндений цагдаагийнхны мэдээлснээр Сири залуу хандивын шүүгээг угсарч байтал 50 мянган евро бэлнээр, 100 мянган еврогийн хадгаламж бүхий банкны дэвтэр гарч ирсэн аж.
Япон улс буюу “Их наран” улсын дэлхийд гайхагддаг нэг онцлог нь хоол хүнс. Тиймдээ ч Токёогийн гудамжаар байдаг дээд зэрэглэлийн кафе, ресторануудаар амтат сүши, темпура, жантай гоймон зэргээс эхлээд далайн гаралттай, эрүүл амин дэмтэй хоолны жагсаалт үргэлжилнэ.
Үндэсний их баяр наадмыг угтан Сүхбаатар дүүргийн Засаг даргын А/220 тоот захирамжаар өнгөрөгч амралтын өдрүүдэд бүх нийтийн их цэвэрлэгээг зохион байгууллаа.
Их цэвэрлэгээнд тус дүүргийн нутаг дэвсгэрийн 456 ААНБ, 1-20 хороо, 860 гаруй иргэн оролцож, оршин суугаа хороо, гаднах орчноо цэвэрлэсэн юм. Мөн дүүргийн Хөдөлмөрийн хэлтсээс 300 иргэнд урамшуулал олгон шуудай, бээлий, багаж хэрэгслээр ханган эзэнгүй талбай, далан гуу жалга, зарим огийн цэгийг цэвэрлүүлэв.