МУЭ-ийн нэрэмжит шагналт зураач, багш Д.Булгантуяагийн “Нээлттэй урлан-3” бие даасан үзэсгэлэнгийн нээлт өнөөдөр МУЭ-ийн Арт үзэсгэлэнгийн танхимд болно. Үзэсгэлэнд түүний судалбар зураг, хөрөг, дүрслэлийн бодит бус аргаар илэрхийлсэн хийсвэр сэтгэлгээний 55 бүтээлийг дэлгэх юм. Зураачийн бүтээл нь Монголын орчин үеийн дүрслэх урлагт томоохон байр суурийг эзэлдэг бөгөөд уран зургийн арга ажиллагаанд шинэлэг уур амьсгал, хэллэг оруулж өгснөөрөө онцлогтой юм.
Ангилал: Үзэсгэлэн
Зураач М.Ган-Очирын шинэ уран бүтээлийн бие даасан үзэсгэлэн нээгдэх гэж байна. Тэрээр бие даасан хоёр дахь удаагийн “MASTERPIECE SOLUTION ART” үзэсгэлэнгээ 2014 оны 12 сарын 05-15-ны хооронд “BEST art gallery”- д толилуулах гэж байна.
. Blue Moon арт галерейн үзэсгэлэнгийн танхимд өнөө орой 18:30 цагт “НЭГ ЧИГЛЭЛ” хандивын хүлээн авалт болно.Хөөрхөн зүрхтэй уран бүтээлчдийн дэмжлэгээр цугласан уран зургууд, бүтээлүүдийг дуудлагаар худалдаалах юм.
Монголын Урлагийн зөвлөл нь Монголын соёл урлагийн тогтвортой хөгжлийг дэмжих эрхэм зорилгынхоо хүрээнд уран бүтээлчдийн бүтээн туурвих үйл явцыг дэмжих, Монголын орчин цагийн дүрслэх урлагийн шилдэг төлөөлөгчдийг гадаад дотоодод таниулан сурталчлах үйл ажиллагааг “Улаан гэр” галерейгаар дамжуулан явуулж ирсэн билээ. Энэ удаад залуу уран бүтээлч Буянтогтохын Бадралын гурван жилийн турш ажилласан “Үл тайлагдах зангилаа” уран бүтээлийн үзэсгэлэнг үзэгч олон толилуулж байгаа юм.
Blue Moon арт галерейн гишүүн уран бүтээлч Э.Гансүхийн “Зүүдлэгдээгүй зүүд” уран бүтээлийн бие даасан үзэсгэлэн 2014 оны 11 сарын 17-27-ны хооронд Blue Moon арт галерейн үзэсгэлэнгийн танхимд дэлгэгдэх гэж байна.
Монголын орчин үеийн урлаг буюу контемпорари урлагийн уран бүтээлчдийн хамтарсан үзэсгэлэн нээлтээ хийжээ. Урчуудын эвлэлийн үзэсгэлэнгийн танхимд энэ сарын 10-нд нээлтээ хийсэн үзэсгэлэн долоо хоног үргэлжилнэ. Үзэсгэлэнгийн хүрээнд куратор, уран бүтээлч Ц.Цэндпүрэв орчин үеийн урлагийн хөгжлийн талаар чөлөөт өчигдөр ярилцлага хийсэн бол өнөөдөр урлаг судлаач, доктор Ч.Болдбаатар сонирхолтой яриа өрнүүлнэ. Монголын уран бүтээлчид дэлхийн жишгээс хоцролгүй урлагийн салбарт хөл нийлүүлэн алхаж буйг энэ үзэсгэлэн гэрчилсэн юм.
“УРАН ЗУРАГ ба УРАН БАРИМАЛ-2” уран бүтээлчдийн нэгдсэн үзэсгэлэн ирэх сарын 01-09-ны хооронд “Blue Moon” арт галерейн үзэсгэлэнгийн танхимд болно.
Blue moon арт галерей ХХК-ын үзэсгэлэнгийн танхимд 2014.11 сарын 06-ны орой 18:30-21:30 цагийн хооронд НОМОНД ШИМТЭГЧДИЙН ХОЛБООНООС зохион байгуулж буй “НИЙЛЭХ БОДЛЫН ӨНГӨ” нэртэй сонгодог үдэш болох гэж байна.
Зурагчин П.Тэмүүжин “Арван Баядын нутгаар” гэрэл зургийн анхны үзэсгэлэнгээ маргааш нээхээр төлөвлөөд байна. Угсаатан зүй тэр тусмаа Баядуудын өв соёл, зан заншлийг харуулсан уг үзэсгэлэн 2014-11-05-ны өдрийн 16 цагт “Grand art exclusive gallery”-д нээгдэх юм. 2014-11-10-ны өдрийг дуустал гарах уг үзэсгэлэн нь зурагчин П.Тэмүүжиний хувьд энэхүү анхных бөгөөд угсаатны зүйн чиглэлээр Монголд гарч байгаа анхны үзэсгэлэн гэдгээрээ онцлогтой юм.
Blue moon арт галерейн гишүүн уран бүтээлч Ц.Солонго-ын “СЭТГЭЛ ШУВУУ” уран бүтээлийн анхны бие даасан үзэсгэлэн 2014.10.13-22-ны хооронд дэлгэгдэж та бүхний оюуны мэлмийг баясгах гэж байна. Үзэсгэлэнгийн нээлт 2014.10.13-ны 18:00 цагт болно