Айдсаасаа нүүр буруулж зугатаалаа гээд
Анд минь амьдрал амар болохгүйг сана
Ардаа татлаатай болохоор л там алхасч
Аргадаж явах дарс шиг гашуун зовлон бэлэглэсийм…
Зовлонтойгоо золгохгүй холуур тойрсон ч
Зөрлөг дагаад тэр дахиад угтана инээсээр
Залхуу зан л чамайг амьдаар чинь мөлжиж
Зах нь харагдахгүй утсаар хөл тушдаг юм…
Бэлэнчлэх сэтгэлгээ л харалган болгож
Бүдүүлэг занг аажмаар уусгадаг сэтгэлгээнд чинь
Битүүхэн захиж хэлэхэд үл таних минь
Биеэ өмөөрөн нуугдах юун нүгэлтэйгээ даруй нүүр тул…
Жирийн хүний хүсэхэд хясдаг амьдрал
Жаргалаа зовлон болгогчидод илүү сайхан
Жигнээд ч дуусахгүй нэгний зовлон
Жишимгүй суух чамд дэндүү амттай…
Юу ч тохиолдсон туучаад л гар аавын хүү
Юманд хурдан бууж өгөхөө азна ээжийн охин
Би чадна гэсэн зоригтой бай дvv нар минь
Бусдын зовлон чиний жаргал байх ёсгүйг сайн санаарай…
Аминчхан сэтгэлээ авч хаяад санаагаараа эхэл
Амиа хаацайлалгүй ханцуй шамлан ор зоригтойгоор
Амрагтаа даатгасан амьдрал аз дагуулахгүй
Алдаж оносон ч чи өөрийгөө бүтээ улаан гараараа…
Кана.Б
