Онцгой байдлын албаны дайчдын ажил амьдралаас сэдэвлэсэн “Нарны жим” олон ангит, уран сайхны киноны моторын дуу үргэлжилж байна.
Энэхүү олон ангит кино төслийг МҮОНТ, ОБЕГ-тай хамтран хийж байгаа бөгөөд уг бүтээлийг ОБЕГ-ын дэд дарга, Онцгой байдлын хурандаа Т.Бадрал санаачлан эхлүүлж, одоогоор ажлын хэсгийг ахлан ажиллаж байгаа аж. МҮОНТ Монголын олон ангит киноны ажилд шаргуу орж, олон төслүүдийг амжилттай хэрэгжүүлж байгаагаас “Нарны жим” кино нь тус телевизийн анхны HD кино болон бүтээгдэж байгаагаараа онцлогтой гэнэ. Кино зохиолыг МҮОНТ-ийн сэтгүүлч, зохиолч М.Наранцогт бичиж, ерөнхий найруулагчаар залуу найруулагч Б.Гантулга ажиллажээ. Харин киноны гол дүрүүдэд тайз, дэлгэцийн үе үеийн шилдэг уран бүтээлчид тоглож байгааг дуулгасан юм. Энэхүү киноны ерөнхий зураглаач нь телевизийн шилдэг операторуудын нэгэнд зүй ёсоор тооцогдох н.Чинбат бөгөөд тэрбээр зураг авалтандаа сүүлийн үеийн дэвшилтэт техникүүдийг ашиглан бүтээж байгаа гэнэ .
Халуун амь, хатан зоригоороо тангараг өргөсөн зоригт баатруудын амьдрал дэлгэцэнд амилж үзэгчдэд хүрэх өдрүүд ойртсоор
www.URLAG.mn