Алдарт дуучин Рианнаг долоо хоног болгон стилээ сольдог гэвэл хилсдэхгүй. Саяхан болж өнгөрсөн "New York Fashion Week"-ийн үеэр Барбадос гаралтай дуучин маань стилийн хатан хаан гэдгээ ёстой л нэг үзүүлж өгөх шиг боллоо.
"New York Fashion Week" бол хамгийн томдоо ордог хувцас загварын шоу бөгөөд дэлхийн хамгийн загварлаг хүмүүс тэнд цугларцгаадаг юм. Гэвч тэнд очсон хүмүүс шинэ загвар гэхээсээ илүү Рианна-ийн шинэ стилийг хараад алмайрч байв.
Рианна гүн ухлаадастай урт улаан даашинзыг хүзүү барьсан загалмайн хүзүүний зүүлттэй хослуулсан ба түүний гүн ухлаадастай даашинзны цаанаас Египтийн шивээс нь тод харагдаж байлаа. Түүний энэхүү өвөрмөц стиль нь хар зузаан ултай гутал, хар хүрэм, хар арьсан цүнх, мөн хар хумс, хар хүрэн уруул гээд “Ghetto Gothic” стилийн бүх шинжүүдийг илтгэж байж.
Алдарт дуучин маань New York хотноо нэг их удахгүй, учир нь тэрбээр "Diamonds World Tour" буюу дэлхийг тойрох аялан тоглолтондоо удахгүй гарах бөгөөд энэ тоглолт Хятадын Макаогаас 9-р сарын 13-нд гараагаа эхлэх юм.
Эх сурвалж: cosmopolitan.mn
