“Хүнчин” хэмээх содон нэртэй роман хэвлэлтээс гараагүй байхаасаа л олны анхаарлыг татаж, хүлээлт үүсгээд байсан юм. Уг номын зохиолч, сэтгүүлч Сэрээнэнгийн Сосор нь. одоо “Мөнхийн үсэг” компанийн “Болор судар” хэвлэлийн газарт редактораар ажилладаг юм байна.
Тэрээр “Хэлэхэд богинохон ч хэлтлэхэд даанч шорвог ганцаардлыг
Ирэх нь удаан ч ивлэх нь дэндүү амттай аз жаргалыг Хүсэхэд олддоггүй ч амьдралд хэтэрхий үнэ цэнэтэй итгэлийг
Аль алиныг нь сэтгэлээрээ мэдрэхээрээ хүн зүрхээрээ уйлдаг ажээ.” хэмээн зохиогч романыхаа гол санааг базан хавтсан дээрээ бичжээ.
Хүний амьдралын үнэ цэнэ гэж юу юм бэ. Амьдрал хэмээх энэ богинохон аялалд хүн хүнээрээ байж, хайрласан шиг хайрлаж, итгэсэн шиг итгэж, нөхөрлөсөн шиг нөхөрлөхийн учир хийгээд амьд явахын шалтгааныг уншигч та энэхүү номноос мэдрэхийн зэрэгцээ Хүн гэж хэн юм бэ, тэгвэл Хүнчин гэж хэн бэ? гэсэн асуултын хариуг өөрөөсөө хайгаарай. Номыг уншиж дуусаад сүүлийн хавтсыг хаахад таны зүрх хөндүүрлэж, эсвэл өөрийн эрхгүй асгаруулан уйлсан бол энэ ном хүн танд зориулагдсан ном мөн байжээ хэмээн бодомз. Ухаарал, уярал хайрлаж, нэгийг бодуулж нөгөөг сануулсан Хүнчин роман худалдаанд гарлаа.
www.URLAG.mn