Дэлхийн мисс шалгаруулах 63 дахь удаагийн уралдаан энэ сарын 28-нд Индонезид болно. 131 орны гоо бүсгүй өрсөлдөх уралдаанд Монгол Улсыг төлөөлж 22 настай С.Пагмадулам оролцож байгаа бөгөөд тэрээр тэмцээний өмнөх арга хэмжээнүүдэд оролцож байгаа билээ.
Тэрбээр Сүхбаатар аймагт төрсөн, эмчийн мэргэжлээр суралцдаг. С.Пагмадулам 2011 онд болсон “Miss tourism international”-д Монголыг төлөөлөн оролцож, шилдэг 15-д багтснаас гадна, “Авьяаслаг мисс” болж байжээ. Учир нь тэр уртын дуу дуулдаг бөгөөд “Дэлхийн мисс”-ийн тайзнаа энэ авьяасаа үзүүлэхээр бэлтгэж байгаа.
Сонирхуулахад, өнгөрсөн жил Өвөрмонголын Ордост болсон 62 дахь удаагийн уралдаанд БНХАУ-ын гоо бүсгүй Юй Вэнься шалгарч, тэргүүн титэм хүртсэн билээ.
Эх сурвалж: dorgio.mn
