Хил хамгаалах байгууллагын 80 жилийн ойн хүрээнд ХХЕГ, МҮОНТ-ийн ММ агентлагтай хамтран бүтээсэн “Цэнхэр хаяа” баримтат киноны нээлт өчигдөр Тэнгис кино театрт боллоо.
1938 онд эх орны баруун хил дээр Оспаны дээрэмчдийн гарт амь үрэгдсэн Б.Жүрмэд нарын найман хилчний баатарлаг гавьяаг тодруулж, мөнхлөх зорилгоор бүтээсэн уг баримтат киноны нээлтэнд Хууль зүйн яамны Төрийн захиргааны удирдлагын газрын дарга Н.Мягмар, ХХЕГ-ын удирдлагууд, үе үеийн хилчид болон МҮОНТ-ийн ММ агентлагийн уран бүтээлчид оролцсон юм. Ийнхүү эх орныхоо торгон хилийг халуун амиараа хамгаалан хүч тэнцвэргүй тулаанд орж, 500 гаруй дээрэмчинтэй тулалдаад амиа алдсан нэр бүхий найман хилчний түүхэн гавьяа дэлгэцийн бүтээлд мөнхрөн үлдлээ.
www.URLAG.mn