Америкийн цагдаагийн нэгэн тусгай тасгийн экс удирдагч өнгөрсөн долоон хоногт Бэверли Хиллзын цагдаагийн дэслэгч Тэрри Натоллын эсрэг гомдол гаргажээ. Дэслэгчийг нэрт дуучин Уитни Хьюстоны цогцсыг олж илрүүлсэн зочид буудлын өрөөнд тун эвгүй байдал гаргасан хэмээн буруутгаж байна. Тусгай тасгийн дарга асан Брайан Вэйр “Дуучны нүцгэн цогцсыг Тэрри нэгд нэгэнгүй сонжин зогсож байсан” гэж мэдүүлжээ.
Талийгаачийн цогцсыг даавуугаар хучсан байсан бөгөөд хэргийн газрын ул мөрийг баллахгүйн тулд тусгай тасгийнхан түүнд хүрээгүй аж. Гэвч тэнд хүрэлцэн ирсэн дэслэгч Терри Натолл цогцсыг ихэд сонжин харж байжээ.
Тэрбээр өвдөглөн сууж, бүтээсэн даавууг нь аваад чармай нүцгэн цогцсыг шүлэнгэтэн харжээ. Натолл Хьюстоны цогцсонд хүрэнгээ алдаж “Чөтгөр алгад гэж. Тэр урьдын адил сайхан хэвээрээ байна шүү” гэж тоглоом шоглоом хийх аястай өгүүлж байсан гэнэ. Брайаныг нэхэмжлэл гаргамагц, түүний удирдлага энэхүү өргөдлийг нь тун санаанд оромгүй байдлаар хүлээн авч ажлаас нь халжээ. Үүнээс гадна түүний бүхий л эрх ямбыг хурааж, янз бүрээр мөрдөн мөшгих болсон байна. Харин дэслэгч Тэрри Натолл юу ч болоогүй юм шиг ажлаа хийсээр байгаа гэнэ.
Эх сурвалж www.wikimon.mn