Телевизийн киноны “Оскар” гэгддэг “Эмми” гардуулах ёслол Лос-Анжелест 65 дахь удаагаа боллоо. Энэ жилийн “Эмми”-гийн гол оддоор нэрт жүжигчин Майкл Дуглас, Клэр Дэйнс нар тодров.
Майкл Дуглас
Энэ удаагийн “Эмми”-г өөрийгөө ижил хүйстэн хэмээн олон нийтэд зарласан жүжигчин эр Нил Патрик хөтөлж, харин шагнал гардуулах эрхэм үүргийг Хайди Клум, София Вергара, Жимми Фэллон, Алек Болдуин нарын олон од гүйцэтгэлээ.
Стивен Содербергийн бүтээл, нэрт төгөлдөр хуурч Валентино Либерачегийн намтраар бүтээсэн Behind The Candelabra-гин гол дүрийг бүтээсэн Майкл Дуглас шилдэг эрэгтэй гол дүрийн жүжигчний шагналыг гардсан юм. Тэрбээр ёслолын ажиллагаанд ганцаараа ирсэн нь Кэтрин Зета-Жонсоос үнэхээр салахаар болсныг давхар илтгэсэн. Ийнхүү Майкл Дуглас 68 насандаа Эмми гардлаа. Дугласын бүтээсэн Валентино төгөлдөр хуурч нь ижил хүйстэн байсан юм.
Харин эмэгтэй шилдэг гол дүрийн шагналыг “Эх орон” киноны тагнуулч эмэгтэйн дүрээр Клэр Дэйнс хүртлээ.
Р.Гэгээ
Клэр Дэйнс