Испани улсын торремолинас хотод 1979 оны есдүгээр сард болсон Дэлхийн аялал жуулчлалын байгууллагын ерөнхий ассамблейн III чуулганаас жил бүрийн есдүгээр сарын 27-ны өдрийг “Дэлхийн аялал жуулчлалын өдөр” болгон тэмдэглэн өнгөрүүлэх тухай шийдвэрлэсэн байдаг аж.
Харин 1980 оноос эхлэн ДАЖБ-ын гишүүн орнууд жил бүр тэмдэглэн ирсэн бол манай улс 1990 онд гишүүнээр элсэж, 2007 оноос уг өдрийг салбарын хэмжээнд тэмдэглэн иржээ. Жил бүр тодорхой сэдвийн хүрээнд тэмдэглэн өнгөрүүлдэг бөгөөд 2012 онд “Аялал жуулчлал ба тогтвортой эрчим хүч” сэдвийн дор тэмдэглэсэн бол энэ онд “Аялал жуулчлал ба ус” сэдвийн дор тэмдэглэхээр болжээ. ССАЖЯ-аас энэхүү өдрийн хүрээнд салбарынхаа төрийн болон төрийн бус байгууллагуудтай хамтран “Гранд тур” аялал жуулчлалын улсын олимпиад, “Дотоод аялал жуулчлалын хөгжлийн асуудал” сэдэвт оюутны эрдэм шинжилгээний бага хурал, “Центавр” асуулт хариултын тэмцээн, “Гранд тур” спорт явган аяллын тэмцээнийг тус тус зохион байгуулахаар болжээ.
www.URLAG.mn