"Титаник"-ийн Роза буюу Их Британийн нэрт жүжигчин Кейт Уинслет мөдхөн нярайлах гэж байгаа билээ. Тэрбээр 34 настай Нед Роенроллын хүүхдийг төрүүлэх юм. Нэд нь зартай тэрбумтан Ричард Брэнсоны ойрын хамаатан ажээ.
Хөл хүндтэй болсон бүсгүйн жаягаар Кейт таргалж, амаржсныхаа дараагаар турах гэдэг чухал ажилтай болох тухай хэвлэлүүдээр бичиж эхлээд байгаа юм. Харин Кейт "Hello" сэтгүүлд өгсөн ярилцлагадаа өгзөгнийхөө размерыг л бодож амьдармааргүй байгаагаа мэдэгджээ.
"Би одоо 37 настай. Би нэг л амьдарна. Тиймээс би энэ амьдралаа өгзөгнийхөө размерыг л бодож өнгөрүүлмээргүй байна. Би эрүүл, саруул байхыг хүсдэг болохоор чадахаараа л хичээнэ. Гэхдээ би амьдралаас таашаал авахыг илүүд үздэг. Би хүүхдүүдтэйгээ хамт байхыг хүсдэг. Ингээд л болоо. Энэ л миний хүсэл тэмүүлэл болохоос нарийхан бэлхүүс л миний зорилго биш ээ" гэж Кейт хэлжээ.
www.URLAG.mn
