Холливудын хурц оддын нэг Женнифер Энистоны дүү алдартай эгчинхээ тухай сонсохыг ч хүсдэггүй гэнэ. Тэрбээр эгчийнхээ нөмөрт наалдан, халаасандаа хэдэн доллартай наргиж цэнгэсэн шигээ явах бүрэн боломжтой ч өөрийн замаар явахыг илүүд үздэг нэгэн ажээ.
24 настай Алекс тэр бүр олны анхааралд өртөөд байдаггүй ч орчин тойрныхон нь байнга эгчийнх нь тухай асуудагт залхаж явдаг нэгэн. Тэрбээр саяхан эгчийнх нь талаар асуусан нэгэнд “Женнифер миний бөгсөнд гарсан хатиг шиг болсоор олон жил болж байна” гэж хэлсэн гэнэ.
Алекс ажил хийхээ болиод удаж байгаа бөгөөд хувийн фургон машинаараа Лос Анжелес болон ойролцоох хотуудад болж буй рок фестивалиудыг хэрэн хэсч явдаг байна. Мөн амьтны гавлын яс цуглуулж, ан хийдэг нэгэн болжээ. Эцэг нь болох Жон Энистон түүнд тав гурван төгрөг өгдөг ч тэрбээр мөнгө хэрэглэхгүйг хичээж, хувцсаа хүртэл өөрөө оёж өмсдөг гэнэ. Түүний цээжин хэсэгт “Эрх чөлөөтэй амьдар”, арай доохонтой нь “Доод талыг минь таал” гэсэн үгс шивсэн байдаг аж.
