БНСУ-ын Пусан хотноо 18 дахь жилдээ зохион байгуулагдаж буй “Пусаны олон улсын кино наадам” энэ сарын 03-наас эхлэн үргэлжилж байгаа билээ.Уг наадамд 70 гаруй орны 300 орчим кино оролцож байгаа бөгөөд наадам Энэтхэгийн найруулагч Кхьенце Норбугийн "A Blessing" киногоор нээлтээ хийсэн юм.
Энэ удаагийн кино наадамд манай улсаас найруулагч С.Бямбаагийн Монгол, Германы уран бүтээлчидтэй хамтран бүтээсэн "Remote control", "Media crackers" студийн найруулагч Л.Бат-Амгалангийн "The Good old days" гэсэн хоёр кино өрсөлдөж байгаа аж.Тус наадам энэ сарын 12-ныг хүртэл үргэлжлэх бөгөөд БНСУ-ын найруулагч Ким Дон Хений "The Dinner" киногоор хаалтаа хийх юм.
www.URLAG.mn
