Монголын рок попынхны дунд ур чадвар чансаагаараа номер нэг гэгдэж, өөрийгөө “Ferrari”-тай зүйрлэдэг гитарчин Д.Өлзий-Орших ирэх сарын 1-2-нд бүрэн хэмжээний амьд тоглолтоо хийх гэж байна.
Тоглолтын нэрний хувьд хараахан өгч амжаагүй байгаа бөгөөд энэ тухай өөрийн фэйсбүүк хуудсандаа хоёр сарын өмнө “Тоглолтын нэр чухал байна шүү нөхдөө. Тэгэхээр Fb-чдээ ямар нэр өгөх вэ энэ тоглолтондоо? Саналаа хэлээч?” гэж бичиж байсан юм. Тоглолтынхоо нэрийг нууцлаад байгаа тэрээр өнгөрсөн долоо хоногоос эхлэн бэлтгэл ажилдаа ороод байна.
Үе үеийн сонсогчдын сонсох дуртай хит дуу болсон Поп хатагтай, МУГЖ Б.Сарантуяагийн дуулсан “Хайрын бурхан”, МУГЖ Т.Ариунаагийн дуулсан “Чи минь”, “Харанга” хамтлагийн гоцлол дуучин, СТА Х.Лхагвасүрэнгийн дуулсан “Хайртай гэхээсээ өмнө”, “Номин талст” хамтлагийн дуулсан “Дурлаж бичсэн шүлэг”, “Чамайг санахдаа”, “Намайг” зэрэг дуугүйгээр түүний тоглолтыг төсөөлөх аргагүй байх. Мэдээж эдгээр хит дуунуудаас гадна “3 охин”, “Никитон” хамтлагт зориулж хийж байгаа шинэ дуунууд нь тоглолтонд нь эгшиглэх нь ээ.
Дашрамд сонирхуулахад, түүний тоглолт 100 хувь амьд тоглолт байх ба тэрээр өөрийн гитарын гоцлолуудаараа хүрэлцэн ирсэн хүмүүст бэлэглэхээр болжээ.
www.URLAG.mn
